ALKATETZA DEKRETUA
OLATZ PEON ORMAZABAL, Tolosa udaleko Alkate-Udalburuak, apirilaren 2ko 7/1985 Legeak, Toki Araubidearen Oinarriak arautzen dituenak, bere 21.3 artikuluan xedatzen duenaren arabera,
IKUSIRIK
Alkate honek, 2019ko uztailaren 16an emandako 1.228/2019 Dekretuaren bidez, Alkatetzari zegozkion hainbat ahalmen jarri zituen Tokiko Gobernu Batzarraren esku, 7/1985 Legeak, apirilaren 2koak, Toki Araubidearen Oinarriak arautzen dituenak, bere 21.3 artikuluan xedatutako eskumenez baliatuz.
2021eko abuztuaren 1etik 31ra bitartera Tokiko Gobernu Batzarrak bilkurarik egingo ez duenez, beharrezkotzat jotzen da Alkatetzak eskuordetutako ahalmenak berenganatzea, urriaren 1eko 40/2015 Legeak, Sektore Publikoko Araubidea arautzen duenak, bere 10. artikuluan xedaturikoa jarraituz. Bereganatze honen arrazoia da udaleko ohiko funtzionamendua bermatzea epe honetan.
Eskumenak bereganatzeko ebazpenaren auka ez dago helegiterik, urriaren 1eko 40/2015 Legeak, Sektore Publikoko Araubidea arautzen duenak, bere 10.2 artikuluan xedatutakoaren arabera.
Hori horrela, Alkatetza honek ondoko hau
ERABAKI DU:
LEHENIK.- Alkatetza honek bereganatzea 2021eko abuztuaren 1etik 31ra bitartera Tolosako udaleko Tokiko Gobernu Batzarraren esku jarri ziren ahalmenak 2019ko uztailaren 16an emandako 2019/1228 Dekretuaren bidez.
BIGARREN.- Erabaki hauek Tokiko Gobernu Batzarreko kideei jakinaraztea eta Gipuzkoako Aldizkari Ofizialean, Iragarki Taulan eta web orrian argitaratzea.
Erabaki hau finkoa da eta amaiera jarri dio administrazio-bideari, eta bere aurka ez dago helegiterik, jardunbide bakoitzean emandako ebazpenetan aurkez daitezkeen helegiteen kalterik gabe.
ALKATEA
Olatz Peon Ormazabal
