Ezagutu Tolosako elementu naturalak janariaren bidez

Abenduko zubi honetan, zatoz Tolosa modu paregabean esperimentatzera, non natura zure konplize bihurtuko den eta bertako gastronomia zure gida

Lurraren xarma, gure tradizioak berotzen dituen sua, topa bakoitzeko ura eta mendeetako gozotasunak berekin daraman airea, elkarri lotzen dira ohikotik harago doan esperientzia bat eskaintzeko. Tolosa definitzen duten elementu naturalak aztertzera gonbidatzen zaitugu, eta, batez ere, sukaldaritzako helmuga paregabe bihurtzen duten aroma, zaporea eta benetakotasuna ezagutzera. Aprobetxatu abenduko zubi hau naturak eta janariak zure zentzumenak piztuko dituen eta oroitzapen gastronomiko harrigarriak sortuko dituen bidaia bat bizitzeko.


Ongi etorri Tolosara, non magia mokadu bakoitzean dagoen eta natura esperientziaren funtsezko zatia den!

Lurra  - Larunbateroko azokan: Tokiko zaporea

Tolosatik zerbait ezagutu behar bada, larunbateroko azoka da. Hasiera ezin hobea da gure lurren aberastasuna ikusteko. Tolosako babarrunak, benetako eta sustraituak, herriaren esentziarekin lotuko zaituen oinarri gastronomiko baten hasiera baino ez dira.

Sua - Parrilla eta txuleta: Zapore biziko esperientzia

Tolosako parrilletan, parrilla sukaldeko tresna bat baino gehiago da; zaporea ahalik eta gehien areagotzen duen elementu bat da. Txuletak, maisutasunez erreak, tokiko sukaldaritza-tradizioaren adierazpen nagusiak dira. Abenduko zubi honetan, utzi eramaten mokadu bakoitzaren intentsitatearekin eta gozatu ohiz kanpoko sukaldaritza-esperientzia batekin.

Ura - Sagardoa eta sagardotegiak: topa bat zubia ospatzeko? 

Sagarrarekin egindako edari bat da, fruta honen zukua hartzituz lortzen dena. Zorteko zaude! Izan ere, abenduko zubian sagardotegi askok ateak irekiko dituzte urteko denboraldiari hasiera emateko. Ospatu topa eginez jaiegun hauek.

Airea - Txoko bakoitza goxatzen duten gozo tradizionalak: Gozotasun ukitu bat birari amaiera emateko
Tolosako haize freskoak gozoki tradizionalen usaina dakar berekin, jai giroa goxatzen duena. Egun hauetan, tradizioko haizeek herriko gozoki bikainetara gidatzen zaituzte. Bonba opiletik hasi eta artisau-pastetaraino, teila eta zigarretei lekua utziz. Mokadu bakoitzak hodeien artean sentiaraziko zaitu.

Tolosan jai-zubia igarotzea bertako gastronomiaren benetakotasunean murgiltzea da, non elementu natural bakoitza sukaldaritzako gozamenekin lotzen den. Ezagutu Tolosako aberastasuna eta sortu oroitzapen ahaztezinak abenduko zubi honetan. Herriko zaporeekin itxarongo dizugu!