Jaialdia uztailaren 21etik 23ra ospatuko da Zumardi Txikian kontzertu ugari eta gune gastronomikoarekin
Ibil Bedi taldeak emango die hasiera jaialdiko kontzertuei Zumardi Txikian, ostiraleko gaueko 22:00etan. Ondoren DJa egongo da festarekin jarraitzeko.
Larunbatean, uztailak 22, Broken Brothers Brass Band kale-bandak Tolosako kaleetan zehar kalejira batekin irekiko du eguna 12:00etan, Zumardi Txikian amaituko dena. 19:00etan DJ Alai igoko da oholtzara eta bere musika estilo ezberdinekin giro paregabea sortuko du. Gogotsu dator, gauean berriro beste saio batekin ikusteko aukera izango baitugu. Baina aurretik, 20:30ean, Nhil taldearen momentua izango da, publikoa pop-funk estiloan dantzan jarriko duena.
Igandean, hilak 23, David Colomo & Lagunak: De Tablao taldearen txanda izango da 20:00etan eta Tolosan aurretik ikusi ez den estiloa eskeiniko dute, indarra eta inprobisazioa oinarri duen erritmoa ezagutzeko aukera izango dugularik. Ondoren, Olaia Inziarte izan dugu, pop estiloan 22:00etan hasiko den kontzertuarekin jaialdiari amaiera emango diona.
Aipatu beharra dago jaialdiaren egunetan Ama eta Goya-ren eskutik janari gozoaz gozatu ahal izango dela Zumardi Txikian bertan aurkituko den zona gastronomikoan.
Laugarren edizio honetan giroa ziurtatuta egongo da, gerturatu!
.jpeg)