Helduen liburutegia

1977an zabaldu zituen ateak Tolosako Udal Liburutegiak. Hasieran, Gipuzkoako Artxibo Orokorra gaur egun dagoen eraikinean; geroxeago, Antonio Maria Labaien kultur etxean.

Pixkanaka-pixkanaka zerbitzua sendotzen joan zen eta, horren ondorioz, egoitza txiki gelditu zen zerbitzu eta baliabide egokiak eskaintzeko. Horrela, arreta-esparrua zabaldu egin zen eta, gaur egun, egoitza batean baino gehiagotan eskaintzen ditugu gure zerbitzuak.

Helduen liburutegia horietako bat da: Aranburu jauregiko 1. solairuan dago eta bertara heltzeko bi aukera dituzu: eskailerak edo igogailua. Dena den, igogailuz igotzeko, goizetan eta astelehenean, arratsaldean, eraikinaren sarreran dagoen tinbre bat jo behar duzu eta liburutegiko langileok ahalbideratuko dizugu igogailurako sarbidea.

1. solairuaz gain, badaude beste bi toki jauregian bertan liburutegiko langileok erabiltzen ditugunak: bata, eraikineko sarreran, barruko lanetarako eta zuzendariaren leku gisa; eta bestea, 3. solairuan, liburu-biltegia.

Zerbitzuak

  • Mailegua eta Liburutegien Arteko Mailegua
  • Informazioa
  • Erreprografia
  • Komikiteka
  • Hemeroteka
  • Bideoteka eta Fonoteka
  • Internet, ofimatika eta WI-FI konexioa
  • Hainbat interesgune

Guneen antolaketa

Liburutegia solairu bakarrean dago, baina hiru gunetan banaturik. Orokorrean, gune bakoitzean zerbitzu bat baino gehiago eskaintzen dugu.

Erdiko gunean, honako hauek dituzu: harrerako erakusmahaia eta informaziorako puntua, nobedadeak, Bideoteka eta Fonoteka, Erreprografia, Hemeroteka, Komikiteka eta hainbat interesgune (Tolosa bilduma, Jatorrizko bertsioa, Irakurketa erraztu eta hiru hilabetez behin aldatzen dugun gune bat).

Eskuinekoan: Literatura, Internet eta Ofimatika zerbitzua. Gela honetan, noizbehinka ekintzak egiten ditugu, esate baterako, Irakurketa Kluba.

Ezkerrekoan: informazio liburuak.

Espazio guztietan irakurketarako eta kontsultarako puntuak dituzu —batzuetan, mahaiak eta aulkiak, beste batzuetan, jarlekuak— eta leku gehienetan argindar puntuak.

Funtsaren antolaketa

Dokumentu gehienak maileguan eraman ditzakezu, gometx gorria eta “Ez da maileguz ematen” oharra dutenak izan ezik.

Alde batetik, literatura alfabetikoki ordenatuta dago, idazlearen abizenaren arabera. Horrez gain, hainbat eleberri generoz genero antolatuta daude.

Beste aldetik, informazio liburuak SHU-Sailkapen Hamartar Unibertsalaren arabera eta alfabetikoki ordenatuta daude. Era berean, ikus-entzunezkoak eta aldizkariak, gaika. Musika ez dago sailkaturik, ezta katalogaturik ere: apalera jo behar duzu jakiteko zer dugun.

Horrez gain, Interesguneko dokumentu gehienak pegatina baten bidez bereizita daude, Tolosa bildumakoak izan ezik, bizkarreko etiketan TOLOSA hitza baitute.

Bestalde, dokumentuen bizkar etiketen koloreek dokumentuaren hizkuntza adierazten dute: urdina, euskara; zuria, gaztelania; horia, ingelesa; berdea, frantsesa; gorria, alemana...

Halaber, gune guztietan gurditxoak dituzu erabilitako liburuak uzteko.

 

LITERATURA

INFORMAZIO LIBURUAK

K   Komikiak

A    Antzerkia 

P    Poesia

E-1 Eleberri erromantikoa

E-2 Eleberri historikoa

E-3 Bidaia-eleberriak

E-4 Intrigazko eleberria

E-4 Beldurrezko eleberria

E-4 Eleberri beltza

E-5 Umorezko eleberria

E-7 Zientzia fikziozko eleberria

E-8 Generoak nahasian

E-993 Eleberri erotikoa

0 Hiztegiak. Entziklopediak. Informatika

1 Filosofia. Psikologia

2 Erlijioak

3 Gizarte zientziak. Soziologia. Zuzenbidea. Politika. Hezkuntza

5 Zientzia hutsak. Matematika. Fisika. Kimika. Biologia

6 Medikuntza. Sukaldaritza. Enpresa

7 Artea. Kirolak

8 Hizkuntzalaritza. Literatura

9 Biografiak. Geografia. Historia

IKUS-ENTZUNEZKOAK

ALDIZKARIAK

DVDB 0 Drama

DVDB 1 Animazioa

DVDB 2 Historikoa

DVDB 20 Gerra-zinema

DVDB 3 Abentura / Akzioa

DVDB 30 Westerna

DVDB 4 Suspensea, beldurra

DVDB 5 Komedia

DVDB 78 Kontzertuak eta musika-bideoak

DVDB 780 Musikalak

DVDB 79 Ikuskizunak

DVDB 8 Film laburrak

DVDB 9 Dokumentalak

DVDB 993 Erotikoa

Gizartea eta jakintza

Barne-diseinua

Brikolajea eta informatika

Moda eta edertasuna,

Musika, ikuskizunak eta zinea

Kirolak, bidaiak, osasuna eta natura

Sukaldaritza eta etxeko gauzak

Giza-zientziak, artea eta literatura