Udako liburutegia

Usabal kiroldegiko kanpoko igerilekuetara eta ondoko solariumera —ekainetik irailera bitarte— etortzen zareten ume, gazte eta helduoi zuzendutako zerbitzua da. Tolosarroi liburutegi-zerbitzua eta irakurketa hurbiltzea du helburu.

Zerbitzuak

  • Irakurketa: helduentzako egunkariak, aldizkariak, komikiak, eleberriak, turismoko gidaliburuak, sukaldaritzari buruzko liburuak... Haurrentzako aldizkariak, ipuinak, komikiak, jolas-liburuak...
  • Liburutegiko txartela.
  • Mailegua: gometxa gorria duten liburuak izan ezik, liburutegi honetako beste dokumentuak etxera eraman daitezke. Era berean, helduen zein haurren liburutegietako liburuak eskatu eta hurrengo egunean igerilekuan jaso daitezke eta itzuli ere bai.
  • WI-FI konexioa.
  • Informazioa: Tolosari eta liburutegi-zerbitzuari buruzkoa.
  • Margoak eta mahai-jokoak.

Zer egin behar da bertan irakurtzeko?

  • Irakurtzekoa aukeratu eta, liburutegiko txartelarekin batera, liburuzainari erakutsi, mailegua egin dezan.
  • Hartutakoa  18:45 baino lehen itzuli behar da, etxetxoaren aurrean jarritako kutxa batean.
  • Txartelik ez baduzu, liburuzainari adierazi, momentuan egingo dizu-eta.
  • Zerbait irakurri nahi baduzu, hartu eta liburutegiko txartelarekin batera liburuzainari erakutsi.
  • Ez bazara bazkide edo txartela eskura ez baduzu, hitz egin liburuzainarekin.

Ordutegia: astelehenetik larunbatera, 15:00etatik 19:00etara.

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.