IDENTIFIKAZIO-SISTEMAK - ZIURTAGIRI ELEKTRONIKOAK

Hitzordua
Informazio gehiago

Administrazio-prozedurak hasteko eta izapidetzeko moduari buruzko informazioa modu irekian dago argitaratuta udaleko Egoitza Elektronikoan; beraz, edonork azter ditzake Udalarekin izapidetu ditzakeen prozedura guztien betekizunak, epeak, kostuak eta bestelako ezaugarriak.

Baina prozedura bat hasteko edo prozedura baten izapidetze-egoera kontsultatzeko, beharrezkoa izango da interesdunak bere burua modu frogagarrian identifikatzea egoitza elektronikoan. Horretarako, ezinbestekoa izango du ziurtagiri elektroniko bat edukitzea.

Ziurtagiri elektronikoak

Ziurtagiri elektronikoa ziurtagiriaren titularra identifikatzeko aukera ematen duen datu-multzoa da, beste pertsona eta/edo erakunde batzuekin informazioa modu seguruan trukatzeko eta bidaltzen diren datuak elektronikoki sinatzeko, haien osotasuna eta jatorria egiaztatuz.

Ziurtagiri mota asko daude. Morfologiaren arabera, txartel formatuan egon daitezke (adibidez, NAN elektronikoa), edo Software formatuan edo hodeian, etab. Egiaztatzen dutenaren arabera, pertsona fisikoarenak, pertsona juridikoaren ordezkariarenak, enplegatu publikoarenak, egoitza elektronikoarenak, etab. izan daitezke.

Ziurtagiri batek balioa izan dezan, konfiantzazko zerbitzu elektronikoen emaile kualifikatuen zerrendan dagoen erakunde edo enpresa batek eman behar du.

Egoitza elektronikoan, emaile kualifikatu horietakoren batek emandako edozein ziurtagiri erabili ahal izango duzu, adibidez, NAN elektronikoa edo Diruaren eta Zerga-zigiluaren Fabrika Nazionalak (FNMT) emandako ziurtagiriak.

Hauteskunde Araubide Orokorraren Lege Organikoa legearen 187.3 artikuluarekin bat etorriz, udalak onartutako ziurtagiri elektronikoak ere baliozkotzat joko dira hauteskunde-elkarteek udal-hauteskundeetan abalak aurkezteko.

B@kQ

Konfiantzazko zerbitzu elektronikoen emaile kualifikatuetako bat IZENPE S.A. da, 2002an eratu eta Eusko Jaurlaritzak eta foru-aldundiek bultzatutako ziurtapen- eta zerbitzu-enpresa.

Administrazioen arteko lankidetza-hitzarmen bati esker, nahi duten pertsonek B@kQ ziurtagiria (IZENPEk emana) eskuratu ahal izango dute berehala eta doan Udalaren Herritarren Arreta Zerbitzuaren (UDATE) bulegoetan. B@kQ-arekin Udalaren Egoitza Elektronikoaren izapide eta kudeaketa guztiak egin daitezke.

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.