Ordenantza honen helburua da Tolosako Udaleko Hezkuntza Sailak kudeatutako eta Tolosako irakaskuntza arautuko ikastetxeek edo irabazi-asmorik gabeko guraso elkarteek dirulaguntzak eskatzeko eta haiek emateko prozedurak arautzea.
Ordenantza honen bidez diruz lagunduko diren jarduerak:
-
Haur, nerabe, gazte eta familien edo bizikidetza-unitateen heziketan lagungarriak diren curriculumaz/eskolaz kanpoko programak; bereziki, haur, nerabe, gazte zein familien edo bizikidetza unitateen garapen intelektual, afektibo, artistiko eta harremanezkoa helburu duten eta balioak sustatzen dituzten ekintzak.
-
Tolosako hezkuntza zentroetan familien zaintza eta lan-jarduera bateragarria egiteko kontziliazio programak.
Dirulaguntzak norgehiagoka prozedura bidezkoak izango dira.
Honako dirulaguntza lerro hau arautzen da oinarri hauetan:
-
Tolosako ikastetxeetan curriculumaz/eskolaz kanpoko programak eta zaintza eta lan-jarduera bateragarria egiteko kontziliazio programak garatzeko dirulaguntzak ikastetxe eta guraso elkarteei.
Eranskina | Tamaina |
---|---|
Ordenantza.pdf | 444.41 KB |
Ordenantzaren aldaketak | 89.71 KB |