Haur liburutegia 1996an zabaldu genuen, 0-16 urte bitarteko haur-gazteen eta euren guraso edo hezitzaileen beharrei erantzuteko. Hasieran, Antonio Maria Labaien kultur etxean kokatu genuen. Gaur egun, helduen liburutegiaren ondoan dago, Errota izeneko eraikinean.
Eraikina 3 solairutan banatuta dago. Liburutegiko sarrera 2. solairuan duzu, eta bertara heltzeko bi aukera dituzu: igogailuz, beheko solairutik sartuta, edo oinez, kanpoko eskailerak erabilita.
Liburutegi barruan solairu batetik bestera joateko igogailua erabili behar baduzu, liburuzainari adierazi behar diozu.
Zerbitzuak
- Mailegua eta Liburutegien Arteko Mailegua
- Informazioa
- Erreprografia
- Komikiteka
- Hemeroteka
- Bideoteka eta Fonoteka
- Internet, Ofimatika eta WI-FI konexioa
- Hainbat interesgune
- Udan, kaleko liburutegia
- Ekintzetarako gunea
Guneen antolaketa
0 solairuan: postontzia (kanpoaldean), eraikineko sarrera nagusia, biltegia eta igogailua.
1. solairuan: informaziorako erakusmahaia, Bideoteka eta Fonoteka, Internet eta Ofimatika, informazio liburuak eta 8-16 urte bitartekoentzako literatura, Tolosa bilduma, Erreprografia zerbitzua eta Ezagutza-txokoa (etxerako lanak egiteko gunea).
2. solairuan: liburutegiko sarrera eta harrerako erakusmahaia, Txiki-txokoa (0-5 urte bitartekoentzat), Irakurgela (6 urtetik gorakoentzat), Hemeroteka eta hainbat interesgune (Gurasoen txokoa, Jatorrizko bertsioa, Bularretik mintzora (BM) eta Badakit irakurtzen).
3. solairuan: Komikiteka, Ekintzetarako gunea eta liburu-biltegia.
Funtsaren antolaketa
Euskarazko, gaztelaniazko eta ingeleseko materialak nahasturik daude. Hortaz, bizkar etiketaren kolorearen arabera jakin dezakezu ze hizkuntzatan dagoen dokumentua: urdina, euskaraz; zuria, gaztelaniaz, eta horia, ingelesez. Gainontzeko hizkuntzak Jatorrizko bertsioa interesgunean daude.
Alde batetik, literatura alfabetikoki ordenatuta dago, idazlearen abizenaren arabera. Horrez gain, 8 urtetik gorakoentzako eleberriak generoz genero antolatuta daude.
Beste aldetik, Informazio liburuak, ikus-entzunezkoak eta ordenagailuko fitxategiak SHU-Sailkapen Hamartar Unibertsalaren arabera eta alfabetikoki ordenatuta daude. Eta entzunezkoak, gaika.
Horrez gain, Interesguneko dokumentu gehienak bizkar etiketaren hasierako letra baten arabera bereizita daude, Jatorrizko bertsiokoak eta BMkoak izan ezik, pegatina baten bidez bereizten baitira.
Halaber, gune guztietan gurditxoak edo kutxatxoak dituzu erabilitako liburuak uzteko.
|
LITERATURA
|
INFORMAZIO LIBURUAK
|
|
T-82-3 Txiki-txoko
82-3 Irakurgela
I-88-3 Badakit Irakurtzen Interesgunea
82-91 Komikiak
82-1 Olerkia. Alegiak
82-2 Antzerkia
82-31 Bizitzako gertakizunak
82-32 Historikoak
82-33 Abentura
82-34 Beldurra eta misterioa
82-35 Umorea
82-36 Fantasia
82-37 Zientzia-fikzioa
82-38 Animaliak protagonista
82-39 Gai erlijiosoa
82-4 Klasikoen egokitzapenak
82-8 Generoak nahasian
|
0 Hiztegiak. Entziklopediak. Informatika
1 Filosofia. Psikologia
2 Erlijioak
3 Gizarte zientziak. Soziologia. Zuzenbidea. Politika. Hezkuntza
5 Zientzia hutsak. Matematika. Fisika. Kimika. Biologia
6 Medikuntza. Sukaldaritza. Enpresa
7 Artea. Kirolak
8 Hizkuntzalaritza. Literatura
9 Biografiak. Geografia. Historia
* Gurasoen txokoko dokumentuek sailkapen hau dute, baina sailkapena baino lehen, G letra.
|
|
IKUS-ENTZUNEZKOAK
|
ENTZUNEZKOAK ETA ORDENAGAILUKO FITXATEGIAK
|
|
DVDB 0 Entziklopediak. Informatika
DVDB 1 Filosofia. Psikologia
DVDB 2 Erlijioak
DVDB 3 Gizarte zientziak
DVDB 5 Zientzia hutsak. Biologia
DVDB 6 Medikuntza. Sukaldaritza. Baserria
DVDB 7 Artea. Kirolak
DVDB 79 Ikuskizunak (pailazoak)
DVDB 791 Pelikulak
DVDB 791.228 Marrazki bizidunak
DVDB 791.5 Ikus-entzunezko didaktikoak
DVDB 8 Hizkuntzalaritza. Literatura
DVDB 9 Biografiak. Geografia. Historia
|
CD SR21 Lo-kantak. Jolasen abestiak
CD SR22 Gabon-kantak
CD SR23 Ipuin musikatuak
CD SR24 Zinema-musika. Ikuskizunak
CD SR25 Musika hastapena
CD SR398 Euskal musika
CD SR62 Pop-a
CD SZ1 Ipuinak. Olerkiak. Antzerkiak
|
|
CDR 0 Entziklopediak
CDR 1 Filosofia. Psikologia
CDR 2 Erlijioak
CDR 3 Gizarte zientziak
CDR 5 Zientzia hutsak. Biologia
CDR 6 Medikuntza. Teknologia. Garraioak. Baserria
CDR 7 Artea. Arkitektura. Kirolak. Musika. Dantza
CDR 793.7 Ordenagailuko Jokoak
CDR 793.7:37 Ordenagailuko Joko hezigarriak
CDR 8 Hizkuntzalaritza. Literatura
CDR 9 Biografiak. Geografia. Historia
|
Postontzia
Itzulitakoa uzteko, kaleko postontzia duzu. Itzulitakoa 10:00etan eta 19:45ean jasotzen dugu, eta eskolako oporretan 10:00etan eta 13:45ean. Halere, jarraian zerbait maileguan hartzeko asmoa baduzu, ez erabili postontzia, erakusmahaia baizik.
