Ekintzailetza ardatz izango duen ekitaldia eskainiko da ostegunean, apirilak 20, EMARI espazioan

Tolosako Udala
2023/04/18 | Ekonomiaren sustapena
  • Ekitaldia irekia izango da, ekintzaileei zuzendutakoa, eta helburu du, besteak beste, Irame programa aurkeztea, ekintzaileen beharrei Emari Coworking espaziotik erantzuna emateko diseinatutako programa, alegia.
  • Jardunaldia egun osokoa izango da eta parte hartzeko ezinbestekoa da aurrez izena ematea.

 

Gaur egun, gero eta pertsona eta erakunde gehiago dira lana egiteko edota harremantzeko bide berriak eskatzen dituztenak, helburu baitute eredu berritzaile horien bitartez pertsonengan (ongizatea), erakundeengan (lehiakortasuna) eta ingurunearengan (gizarte kohesioa) eragitea.

Egoera horren jakitun, eta ekintzailetzak lana egiteko edota harremantzeko eredu berri horien sustapen zein garapenean duen garrantzia aintzat hartuta, datorren ostegunean, apirilak 20, ekintzailetza ardatz izango duen ekitaldia antolatu da EMARIn Tolosako Udalak eta Arbola Consulting Pertsonak, Be&Lab eta Benio elkarteek bultzatuta.

Ekitaldia irekia izango da eta Tolosaldeko ekintzailetza komunitateari zuzenduta egongo da, ideia berritzaileak entzuteko, aztertzeko eta elkarlanean sortzeko, modu horretara EMARI coworking gunea espazio eraldatzailea bilakatzeko, eta bertatik ekintzailetza sustatzen eta babesten jarraitzeko.

Horretarako, besteak beste, Irame proiektua aurkeztuko da, hain zuzen, EMARI Coworking gunea eraldatzeko beharretik sortutako proiektua. Ekitaldia egun osokoa izango da eta parte hartzeko ezinbestekoa izango da aurrez izena ematea ondorengo esteka beteaz.

Egitaraua:

9:40-10:00: ‘Ice Breaking’: jardunaldiaren irekiera

10:00-10:45 ‘Irame’ proiektuaren aurkezpena.

10:45-11:00 Kafea eta Networking-a

11:00-12:00: Parte hartu Iramen. Tolosako ekintzailetzaren beharrak jasotzeko ariketa

12:00-13:00: Sortu zure marka pertsonala

16:00-16:45 ‘Irame’ proiektuaren aurkezpena

16:45-17:45: Mahai-ingurua: inpaktua eta izaera soziala duten proiektuak

17:45-18:45: Parte hartu Iramen. Tolosako ekintzailetzaren beharrak jasotzeko ariketa

18:45: Itxiera eta Networking-a

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

Ostegunetan 17:00etatik 19:00etara etortzeko, EZINBESTEKOA da hitzordua izatea.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.