Covid-19ak eragindako alarma egoeran izandako gastuak ordaintzeko dirulaguntzak

ZER DA? ZERTARAKO DA?

Deialdi honen helburua da onartzea zenbait arau berezi, arautuko dutenak zuzenean presazko laguntza batzuk ematea beren kontura lan egiten dutenei edo autonomoei eta mikroenpresei, baldin eta jarduerak etenda badituzte martxo- aren 14ko 463/2020 Errege Dekretuan –Covid-19ak sortutako osasun krisiaren egoera kudeatzeko alarma egoera deklaratzeari buruzkoan– aurreikusitakoaren arabera, edo jarduerari eutsi badiote ere, fakturazioa % 50etik gora murriztu bazaie 2019ko ekitaldiko 1. eta 2. hiruhilekoetan fakturatutako batez bestekoarekin alderatuta.

Laguntza hauen xedea da beren kontura lan egiten dutenei edo autonomoei eta mikroenpresei laguntzea, negozio edo merkataritza jarduera baten titulartasunaren, gauzatzearen eta garapenaren ondoriozko funtzionamendu-gastu finkoei aurre egiteko, baldin eta jarduera etenda gelditu bada edo kaltetua gertatu bada haien sarrerek % 50etik gorako murrizketa bat jasan dutelako 463/2020 Errege Dekretua indarrean sartzearen ondorioz; horrela lortu nahi da ahalik eta lasterren berrekin diezaiotela haien jarduera ekonomikoari, itxialdi derrigortua bukatzean.