Suizidioari stop

Bete galdetegia

Tolosako Udalak herritarren lehen batzarra antolatu zuen 2023an, herritarrek osatutako batzarrak dilema honi erantzuteko gomendioak proposa zitzan: “Zer egin dezake Tolosako Udalak lankidetza publiko-komunitarioaren bidetik, guztion osasuna eta ongizate emozionala hobetuko duen Tolosa lortzeko?”

Galdera horri erantzunez, Herritarren Batzarrak 14 gomendu aurkeztu zizkion Tolosako Udalari. Horien artean, “Nerabeak, LGTBIQ+, suizidioa: arreta-programa, prestakuntza eta esku-hartzea” deritzona.

Gomendio horren bitartez, Udalari egiten zaion eskaera herri-eragileekin batera suizidioa prebenitzeko egitasmoak martxan jartzea da. Hau da, suizidioa prebenitzeko sentsibilizazioa, prestakuntza eta babeserako zerbitzuak ematea, beste jarduera batzuen artean.

Tolosako Udalak, gomendioari erantzun asmoz, lehen urrats gisa eskuartean duzun galdetegia landu du EHUko Álex Muela eta Osakidetzako Jon García-Ormazaren laguntzarekin.

Galdetegi honen bitartez, gaiari buruz zuen inguruko errealitatearen berri jaso, zuen jardunaren baitan izan ditzakezuen beharrak identifikatu eta zuei hobekien egokitzen zaizuen plangintza definitu ahalko dugu gure elkarte, talde eta herrian, oro har, suizidioa prebenitzeko azken helburuarekin.

Inkesta hau diseinatu da ezagutzak, jarrerak eta jardunbideak ezagutzeko, zure komunitateko nerabeen artean suizidioa prebenitzea dela eta. Parte hartzea lagungarria izango zaigu indarguneak eta aukerak identifikatzeko, esku-hartze komunitarioa hobetze aldera. Mesedez, erantzun zintzotasunez. Erantzun guztiak konfidentzialtasun osoz tratatuko dira.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.