Fronton: berriro ere ‘bisitatu beharrekoen’ zerrendan sartu den jatetxea

Duela gutxi (ber)ireki ditu ateak Fronton ezagunak, baina itxura guztiz berritua du. Haren bilakaera errepasatuko dugu, sekretu berriak argitzeraino.

Euskal pilotarekin izan duen lotura estuaz haratago, Tolosako Fronton taberna-jatetxea herriaren ikono izan da hainbat arrazoirengatik: bere historia eta bilakaera arkitektonikotik, utzi duen kalitatezko ondare gastronomikoaren garrantziaraino.

Balio arkitektoniko handia

Beotibar pilotalekua 1935. urtean eraiki zen, eta Gipuzkoako arkitektura arrazionalistaren ikurretako bat da, kultur ondare aberatsaren adibide leial. Gaur egun ere, birgaitze-lanen ondoren, jatorrizko ezaugarriak mantentzen ditu. Barrualdeko itxura aldatu den arren, lehen Art-Decó modernista estiloa nabarmentzen zen.

Babarrunaren tenplu nagusi

90eko hamarkadan, Roberto Ruizen eskutik –Fronton jatetxearen aurreko arduradun, egun Hika Txakolindegiko jatetxeko sukaldari buru–, Gipuzkoako gastronomia-erreferente bihurtu zen. Tolosako Babarrunari balioa eman zion lehen jatetxeetakoa izan zen, bere inguruan menu bat sortuz. Tolosako Azoka baliatu zuen garaiko produktuekin kalitate handiko platerak eskaintzeko. Horrek gastronomia-zale eta bisitarientzat bisitatu beharreko leku bihurtu zuen.

Topagune bat

Hainbat hamarkadatan zehar, Frontoiak jaiak, kontzertuak eta mota guztietako galak hartu zituen. Baina hori guztiaz gain, belaunaldi-arteko elkargune ere izan da.

Baita egun handienetan ere, inauterietan adibidez. Gogoratzen diren parodiarik originalenen eszenatoki izana da, Iñaki Goikoetxea dekoratzaile ezagunaren lanenak kasu: Empire State edo King Kong, bere lanek tolosarrak eta bisitariak harritu dituzte.

Partekatzeko jatetxe bat

Berregokitze lanengatik hainbat urtez itxita egon ondoren, Tolosako Udalak Egoitz Goikoetxeari eta Sonia Tapiari esleitu die jatetxearen ustiapena, eta frontoia erreferente gastronomiko bihurtzen jarraitzea jarri dute helburu.

Fronton berria lau gunetan banatzen da. Behealdea (MOTZ) sozializatzeko eta  "mokodutxoak" partekatzeko espazioa da. Goiko solairuan (LUZE), eskaintza gastronomikoa zabaldu egiten da, sasoiko plater gehiagorekin eta eguneko menu bikainarekin: onddo nahaski bat, itsaski krema ganba tartarrarekin, edo txuletoi bat tolosar erara… Denetarik dago. Eta noski, Tolosako Babarruna ere ez da faltako: egunero eskaintzen dute!

Kanpoaldean, aire zabaleko chill out estiloko terraza bat dago, mota guztietako aperitibo eta koktelak dastatzeko aukera ematen duena. Kalean ere mahai ugari ditu. Pentsa, igande arratsaldeetan txurroak txokolatearekin ere eskaintzen dituzte!

Karta anitza dastatzearen plazeraz haratago, Fronton bisitatzea esperientzia bat da bere horretan. Bere txokoetako batean, Tolosako ekitaldi esanguratsuen kartelen sorta bat ezkutatzen da. Txoko hori bera kontzertuen eszenatoki gisa erabiltzen da noizean behin.

Pilotalekuaren barrualdea ikusteko leihate bat ere badu: agian zorioneko zaude eta pilota zuzenean ikusteko aukera izango duzu! Eta pilotaz ari garela, bitxia da kontua emateko modua: teniseko pilota baten barruan ematen dute, pilota partidetako artekarien moduan.

Orain guk jaurtiko dizugu pilota jaurtiko, gonbidapen batekin: bisitan etorri nahi?