Ipuin txokoa

Miriam Mendoza ipuin kontalariaren saioak ikasturtean zehar hilean behin izan ohi dira, ostiraletan 18:00etatik aurrera. 3 urtetik gorako haurrei zuzenduak daude eta gurasoek parte hartzea gomendatzen da, aukera paregabea baita etxean umeei ipuinak nola kontatu ikasteko. Saioa amaitutakoan, umeei kontatutako ipuinen liburu-gida banatzen zaie gurasoei, etxean kontatu ahal izateko.

Gogoratu:

• Haurrak ez badu gelditzeko gogorik, ez behartu; urtean zehar saio gehiago izango dituzu berriro saiatzeko.
• Lehenengo saioetan berarekin batera eseri, ipuinak gusturago entzungo ditu eta.
• Aspertzen eta aztoratzen hasten denean, joateko ordua da. Gainontzeko entzuleok eskertuko dizuegu.
• Saioa hasi aurretik, komunetik pasatzea komeni da.
• Gelan sartu baino lehen, zapatak kendu eta kanpoan utzi.
• Saioa hasita badago, ezin da sartu.
• Saioetarako zeinu-hizkuntzako zerbitzua behar baduzu, aldez aurretik jakinarazi behar diguzu liburutegian.

Gainera, baldintza eta arau hauek bete beharko dira:

• Saioetan parte-hartzeko beharrezkoa izango da izena ematea, bai haurrentzat eta bai helduentzat.
• Aforo mugatua izango da: 35 pertsona guztira.
• Gomendatzen da saioa hasi baino 15 minutu lehenago etortzea.
• Izena eman baduzu eta azkenean saiora etortzeko aukerarik ez baduzu, abisa ezazu aurretik liburutegian. Modu horretan, lekurik gabe geratu den jendeari aukera emango diozu saioan parte hartzeko.

Izen-ematea:

• Izen-ematea aurrez aurre izango da, Haur liburutegiko 1. solairuan.

• Izen-ematea saioa baino 10 egun lehenago irekiko da. Adib. urtarrilaren 17rako izen-ematea urtarrilaren 7an irekiko da. Normalean astearteak izan ohi dira, baina jai-eguna bada, asteazkena izango da.

• Heldu bakoitzak 3 pertsonarentzat eman dezake izena gehienez (heldu bat eta bi haur), baina kasu bereziak aztertuko dira.

• Norberaren zaintzapeko umeentzat eman behar da izena, baina kasu bereziak aztertuko dira.

• Behin saioa beteta, itxarote-zerrenda irekiko da. Bertan izena ematen dutenak lehenetsiko dira hurrengo saiorako.

2025-2026 ikasturteko saioen datak:

• Urriak 10 (izen ematea irailaren 30etik aurrera)
• Azaroak 7 (izen ematea urriaren 28tik aurrera)
• Abenduak 12 (izen ematea abenduaren 2tik aurrera)
• Urtarrilak 16 (izen ematea urtarrilaren 7tik aurrera)
• Otsailak 20 (izen ematea otsailaren 10etik aurrera)
• Martxoak 20 (izen ematea martxoaren 10etik aurrera)
• Apirilak 24 (izen ematea irailaren 14tik aurrera)
• Maiatzak 22 (izen ematea maiatzaren 12tik aurrera)

Ipuin txokoko gidak urtez urte: