Ipuin txokoa

Miriam Mendoza ipuin kontalariaren saioak ostiraletan egin ohi dira, arratsaldeko 18:00tatik aurrera. 3 urtetik gorako haurrei zuzenduak daude, eta gurasoek parte hartzea gomendatzen da, aukera paregabea baita etxean umeei ipuinak nola kontatu ikasteko. Saioa amaitutakoan, umeei kontatutako ipuinen liburu-gida banatzen zaie gurasoei, etxean kontatu ahal izateko.

Gogoratu:

• Haurrak ez badu gelditzeko gogorik, ez behartu, urtean zehar saio gehiago izango dituzu berriro saiatzeko.
• Lehenengo saioetan berarekin batera eseri, ipuinak gusturago entzungo ditu eta.
• Aspertzen eta aztoratzen hasten denean, joateko ordua da. Gainontzeko entzuleok eskertuko dizuegu.
• Saioa hasi aurretik, komunetik pasatzea komeni da.
• Gelan sartu baino lehen, zapatak erantzi eta kanpoan utzi.
• Saioa hasita badago, ezin da sartu.
• Saioetarako zeinu-hizkuntzako zerbitzua behar baduzu, aldez aurretik jakinarazi behar diguzu liburutegian.

Gainera, baldintza eta arau hauek bete beharko dira:

• Saioetan parte-hartzeko beharrezkoa izango da webgunean izena ematea, bai haurrentzat eta bai helduentzat.
• Aforo mugatua izango da: 35 pertsona guztira.
• Gomendatzen da saioa hasi baino 15 minutu lehenago etortzea.
• Izena eman baduzu eta azkenean saiora etortzeko aukerarik ez baduzu, abisa ezazu aurretik liburutegian. Modu horretan, lekurik gabe geratu den jendeari aukera emango diozu saioan parte hartzeko.

Izen-ematea:

• Izen-ematea aurrez aurre izango da, Haur liburutegiko 1. solairuan.

• Izen ematea saioa baino 10 egun lehenago irekiko da. Adib. urtarrilaren 17rako izen-ematea urtarrilaren 7an irekiko da (asteartea).

• Heldu bakoitzak 3 pertsonarentzat eman dezake izena gehienez, baina kasu bereziak aztertuko dira.

• Itxarote-zerrenda mugatuko da eta bertan gelditu diren pertsonak lehenetsiko dira hurrengo saiorako.

2024-2025 ikasturteko saioen datak:

• Urtarrilak 17
• Otsailak 14
• Martxoak 14
• Apirilak 11
• Maiatzak 16

Ipuin txokoko gidak urtez urte: