Eskola Agenda 21en IX. Topaketak eskualdeko ehundaka ikasle batu ditu Zerkausian

Tolosaldean Eskola Agenda 21 programaren IX. Topaketa ospatu dute gaur Zerkausian, eskualdeko ehundaka ikasle batuz bertan. Tolosaldeko eskola komunitateak (ikasleak, irakasleak eta gurasoak) eta EA21 proiektuan inplikazioa duten teknikari eta bestelakoak izan dira bertan. Topaketa honetan ikasleek beraien herrietan egindako lanketa eta ateratako ondorioak partekatu dituzte. Gainera, jai giroan larunbatean, ekainak 10, Izaskunen ospatuko den Ingurumen festarako hainbat material sortu dute eta Tolosako Udalak prestatutako Oria ibaiko erakusketa bistaratu dute.