Gipuzkoatik kanpo dauden presoen familien garraio gastuentzako diru-laguntzen deialdia

Gipuzkoatik kanpoko kartzeletan dauden presoei beren familiakoek egiten dizkieten bisitek sortzen dituzten gastuei aurre egiteko, dirulaguntza eskaerak aurkezteko epea ireki du Tolosako Udalak. Epe hori otsailaren 3a (barne) arte luzatuko da.

Diru-laguntza hauen onuradun izan daitezke espetxeetan zigortuta dauden edo behin-behinean espetxeratuta dauden tolosarren senitartekoak, ondorengo lehentasun-hurrenkera honen arabera:

• Ezkontidea edo izatezko bikotekidea.
• Seme-alabak.
• Gurasoak.
• Anai-arrebak.

Eskaera egiten duten senitartekoek Tolosan erroldatuta egon behar dute diru-laguntza eskaera egiten dutenean eta bisitak egiten dituztenean.

Eskaerak Tolosako udal erregistroan, Udaten, aurkeztu behar dira, astelehenetik ostiralera, 7:15etatik 14:15etara.

Informazio gehiagorako, Tolosako gizarte zerbitzuekin jar daiteke harremanetan:

• Zuzeneko harreta zerbitzua: astelehenetik ostiralera, 10.00etatik 13.00etara, ostegunak izan ezik. Plaza Zaharra, 6 helbidean.
• Telefonoa: 943 69 74 60
• Faxa: 943 69 75 08
• Emaila: gizartezerbitzuak@tolosa.eus