2026ko Inauterietako balkoi lehiaketa

Hitzordua
Informazio gehiago

Inauterietan Tolosa jantzi egiten da. Kaleak, plazak, tabernak… eta baita balkoiak ere. 

Duela 20 urte baino gehiago sortu zen Tolosan balkoiak apaintzeko ohitura, eta ordutik urtez urte sendotzen joan den ohitura da. Hasieran alde zaharreko kale gutxi batzuetan abiatu zen ekimena, baina pixkanaka herri osora zabaldu zen, leiho, balkoi eta terrazak oihal koloretsuz betez. 

2026ko Inauterien atarian, tradizioari jarraipena emateko helburuarekin, 2026ko Inauterietako balkoi lehiaketa martxan jarri dute Tolosako Udalak eta Tolosa&Co merkatarien elkarteak.

Lehiaketan parte hartzeko, balkoiek Ostegun Gizen goizerako egon beharko dute apainduta, eta hautagaitzak aurkezteko epea otsailaren 11ra arte egongo da zabalik ondorengo formularioan.

Epaimahaia dekorazioan eta espazioen diseinuan adituak diren pertsonek osatuko dute, eta egun berean jakinaraziko dute irabazlea Tolosa Turismoa (@tolosaturismoa) eta Tolosa&Co (@tolosandco) sare sozialen bidez.

Irabazleak 300 euroko saria jasoko du, Tolosa&Co-ko dendetan erabiltzeko.

Lehiaketaren helburua ez da soilik balkoirik ederrena aukeratzea, baizik eta Inauterietan Tolosa kolorez janztea eta komertzio txikia babestea. Horregatik, oihalak eta apaingarriak Tolosako dendetan erostera animatzen zaituztegu! 

Inauteri hauetan, anima zaitez Tolosa kolorez janztera!

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.