Gabonetako Azokak emango dio amaiera, larunbat honetan, Tolosako azoka berezien egutegiari

Hitzordua
Informazio gehiago



Abenduaren 17an, larunbateroko ohiko postuez gain, beste 70 postu gehituko dira.

Gabonen atarian ospatzen da, Tolosan, urteko azken azoka berezia. Eguberrietako otorduetarako erosketak egiteko aukera ederra da, kalitate oneneko jaki ugari

topatu daitezkeelako.

Gabonetako Azokak, Trianguloa, Alondegia, San Frantzisko pasealekua eta plaza Zaharra hartuko ditu eta bertan askotariko produktu zein abereak egongo dira. Noski, larunbateroko azoka ere ez da faltako, bere ohiko kokalekuetan.




Zer topatuko duzu gune bakoitzean?
 

Trianguloa eta Alondegia elikadurarako espazioak izango dira. Trianguloan gozoak, pateak eta hestebeteak nagusituko dira; Alondegian, berriz, gozoak eta kontserbak aurkituko ditugu.

San Frantzisko pasealekua artisauentzako gunea izango da. Zurezko tailak, bitxiak, pilotak, zurezko etxeko tresnak…

Azkenik, Plaza Zaharrean abereak kokatuko dira.

Urteko azken azoka honetan, Tolosako kaleetan barrena arituko dira kantari TAG (Tolosaldeko Ahots Gazteak) taldeakoak. Giro ona ez da faltako goiz osoan zehar!

 

    Cita previa EU

    Tolosako Udalak herritarrei arreta emateko zerbitzua eta erregistroa (UDATE)

    Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

    ESKATU HITZORDUA

    Pribatutasun-politika

    Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

    Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

    Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

    Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.