Tolosako zuhaitzak loretan, udaberriaren atarian

Hitzordua
Informazio gehiago

Udaberria ate joka dugunaren erakusgarri dira Tolosako zenbait txokotan aurkitu ditzakegun lore zuriz jositako zuhaitzak.

Gure herriko txoko asko inoiz baina ikusgarriago daude loratze bete-betean dauden gereziondo japoniarrak (Prunus Yedoensis) tarteko; esaterako, Larramendi auzoa, Emeterio Arrese, Iurramendi pasealekua,... 

Jatorriz japoniarra den zuhaitz honek - Yoshino Gereziondoak - lauzpabost loreko multzotan loratzen du adarren gainean, eta lore hauetako bakoitza 5 petaloz osatuta egon ohi da. Koloreari dagokionez, zuriak edo arrosak aurki ditzakegu: kimuak irekitzen hasten direnean arrosak dira; denbora igarotzean berriz, zuritu egiten dira. Udaberria aurrera joan ahala, lore hauek gerezi moduko fruitu batean bilakatzen dira (animaliek jan ohi dituzte). Erleei guri bezainbeste gustatzen zaie espezie hau!

Baina gereziondo berezi hauez gain, beste hamarnaka lore eta landare espezie topatu ditzakezu gure herrian. Beraz, Tolosako kale eta belazeetan galtzera gonbidatzen zaituztegu, naturaren mirari honetaz gozatzeko: begiratu goruntz eta gozatu! 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.