Udal honetako Udalbatzarrak, 2017ko uztailaren 27an egindako ohizko Osoko Bilkuran, Tolosako Udaleko dirusarrerak bermatzeko eta gizarte inklusiorako udal laguntzak arautzen dituen ordenantzari eta bere eranskinei hasierako onespena eman zion.
Ordenantza hau hogeita hamar laneguneko epean publikoari erakusteko jarri zen, 2017ko abuztuaren 17ko Gipuzkoako Aldizkari Ofizialean argitaratutako iragarkiaren bidez, eta ez zenez aurkeztu interesdun aldetik inolako erreklamaziorik zein iradokizunik, aipatutako ordenantza behin betikoz onartutzat ematen da.
Berez, apirilaren 2ko 7/1985 Leagearen 70.2 artikuluan ezarritakoaren arabera, Toki Jaurbidearen Oinarriak arautzen dituen Legea, iragarki honetan Eranskin gisa argitaratzen da ordenantzaren testu osoa, Gipuzkoako Aldizkari Ofizialean testu osoa argitaratu arte ez dela indarrean sartuko aipatuz.
Administrazio-bidean behin betikoa den akordio honen aurka administrazioarekiko auzi-errekurtsoa jarri ahal izango da Euskal Autonomia Erkidegoko Auzitegi Nagusiaren Administrazioarekiko Auzietako Salaren aurrean, iragarkia argitaratzen den hurrengo egunetik hasi eta bi hilabeteko epean.
Hala ere, aldez aurreko izaeraz, Udal honen Osoko Bilkuraren aurrean aukerako berraztertzeko errekurtsoa aurkeztu ahal izango da, hilabeteko epean, iragarkia argitaratu eta hurrengo egunetik hasita. Kasu honetan ezingo da administrazioarekiko auzietako helegiterik aurkeztu berraztertzeko errekurtsoa erabaki arte edota presuntziozko ezespena eman arte.
Hori guztia egoki irizten diren beste edozein errekurtso jartzeko kalterik gabe.
Tolosa, 2017ko urriaren 2a.—Olatz Peon Ormazabal, alkatea.
Kontsultatu Ordenantzaren testua
