Mendi martxa, zaldi ibilaldia edota sukaldaritza ikastaroa apirilean Gazte Topagunean

Tolosako udalak sustatutako Gazte Topaguneak, apirileko programazioa osatu berri du. Aste santuan zein hilabete osoan honako ekintzetan parte hartzeko aukera izango dute 12-17 urte bitarteko nerabeek:

• Apirilak 5, osteguna: mendi martxa eta pizza afaria Topagunean. 15:00etatik 18:00etara mendi martxa eta 18:00etatik 21:00etara pizzak egin eta afaldu.
• Apirilak 6, ostirala: zaldian ibiltzera, Muga Ranch. 10:00etan San Frantzisko elizaren paretik irteera. Izena eman behar da Topagunearen sare sozialen bitartez edo Kultur Etxean presentzialki.
• Apirilak 7, larunbata: zinemara irteera. Izena eman behar da Topagunearen sare sozialen bitartez edo Kultur Etxean presentzialki.
• Apirilak 8, igandea: Trianguloan jolasean. Diaboloak, mahai jolasak, margoak... 16:30etatik 20:30etara. Euria eginez gero, Topagunean.
• Apirilak 14, larunbata: billar txapelketa.
• Apirilak 20, ostirala: sukaldaritza ikastaroa.
• Apirilak 27, ostirala: kirolaren eguna.