Samaniego ikastetxeko Haur Hezkuntzako eraikinean LED argiteria jartzeko lanak, martxan

Hitzordua
Informazio gehiago

Tolosako Udala
2025/07/03 | Ingurumena eta Transizio Energetikoa
  • Aldaketarekin, argiteriaren kontsumoa % 50 baino gehiago murriztea da helburua.


Ikasturtea amaituta, Samaniego ikastetxeko Haur Hezkuntzako eraikineko argiteria aldatzeko lanak abiatu dira aste honetan. Jasangarritasuna eta eraginkortasuna hobetzea da lanen helburua, Euskadiko Jasangarritasun Energetikoari buruzko Legearen eskakizunei aurre egiteko.

Eraikinak orain arte fluoreszente konbentzionalak izan ditu eta, horien ordez, LED motako argiteria jarriko da. 300 luminaria baino gehiago ez ezik, sentsore bidezko kontrolak ere jarriko dira. Aldaketarekin, argiteria kontsumoa % 50 baino gehiago murriztea da helburua. 124.000 euroko inbertsioa egingo du Udalak aldaketa hori gauzatzeko.

Ikastetxea itxita izango den bi hilabeteetan egingo dira lanak; ikasturte berria hasteko, beraz, guztia prest izatea da aurreikuspena.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.