Bizikletak konpontzeko gune ireki bat izango du Tolosak

Hitzordua
Informazio gehiago

Tolosako Udala
2022/06/14 | Ingurumena eta Transizio Energetikoa
  • Gaur hasi dira gunearen prestaketa lanak Tolosako Zumardi Handian, eta ikasturte berrian irekitzea aurreikusten da

 

 

Bizikletak konpontzeko eta lan hori egiten ikasteko herritarrei zabalik egongo den ‘Gurpilgunea’ espazioa hasi da itxura hartzen Zumardi Handian.

Eskualdean mugikortasun jasangarria sustatzeko estrategian ezarritako puntuetako bat da, Tolosaldea Garatzenek eta Zumardia elkarteak sustatua, Tolosako Udalaren eta Tolosaldeko Mankomunitatearen laguntzarekin.

Tolosako Zumardi Handian kokatuko da, eta bizikleten inguruko eskualdeko espazio erreferente bihurtzea du helburu. Horrela, kutsadura maila jaisten lagunduko duen mugikortasun jasangarriago bat sustatzearekin batera, bizikleten birziklapen eta berrerabilpena indartu nahi da.

Izan ere, konponketarako tailer irekiaz gain, oinarrizko prestakuntzarako ikastaroak ere antolatuko dira bertan, Zumardia elkarteak dinamizatuta. Ez hori bakarrik, gerora, irteerak, truke-azokak eta bestelako ekintzak ere antolatu nahi dira.

Jasangarritasuna oinarrian duen proiektua izanik, kontenedore berrerabilgarriekin osatuko da gunea. Gaur hasi dira jartzen, eta hurrengo asteetan egokitzapen eta atontze lanak egingo dira. Ikasturte berrian erabilgarri izatea aurreikusten da.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.