Datorren ikasturteko Kultur etxeko tailerretan izena emateko epea zabaldu da

• Irailaren 13ra arte izango da izena emateko aukera. 

• Izena emateko prozedura aldatu eta egoitza elektronikoaren bidez, Kultur Etxean edota UDATEn egin ahal izango da.

Dagoeneko zabalik da datorren ikasturteko Tolosako Kultur Etxeko tailerretan izena emateko epea. Tailerren eskaintzak antzerkia, argazkilaritza, balleta, dantza garaikidea, ehoziri eta patchworka, pintura, eskulanak eta zeramika biltzen ditu.

Aldaketa 2024-2025 ikasturterako izena emateko prozeduran

Izena emateko prozedura aldatu da aurten. Bi aldaketa garrantzitsu izango dira. Lehenik eta behin, izen ematea egiteko prozedura aldatu da, eta modu ofizialean izapidetu beharko da. 

Hiru modutara egin ahal izango da. BakQ edo bestelako ziurtagiri digitala dutenek Erregistro elektroniko bidez egin ahal izango dute. Aurrez aurre bi lekutan egin ahal izango da: Kultur Etxean, uztailaren 1etik 16ra eta abuztuaren 26tik irailaren 13ra, arratsaldez, 16:00-19:00; eta UDATEn, uztailaren 1etik irailaren 13ra bitartean.

Prozedura aldatu denez, izena emateko epea ere nabarmen zabaldu da: uztailaren 1etik irailaren 13ra arte egin ahal izango da, aipatutako hiru bide horietako bat erabiliz.

Plazak agortuz gero, esleipena zozketa bidez

Ikastaroren batean leku kopurua baino izen emate gehiago egongo balira, zozketa bidez esleituko dira. Horrela, interesa duten herritar guztiek parte hartzeko aukera izango dute.

«Tailer batzuen interes maila asko igo da azken urteetan, baina ikasle edo onuradun asko urtez urte errepikatzen ziren, lehentasuna zutelako, eta horrek ikasle berrien parte hartzea zailtzen zuen. Interesa duten herritar guztiei zabaldu nahi izan diegu izena emateko aukera, udal gisa aukera-berdintasuna bermatu behar baitugu», azaldu du Goiuri Ezeiza Tolosako Udaleko kultura zinegotziak.

2024/2025 ikasturteko kultur tailerrak:

• Antzerkia:
  Astelehenetik ostegunera, gehinez bi egun, 19:30etik 21:30era.

• Argazkigintzaren hastapenak: 
  80 ordu, astearte eta ostegunak, 19:00etatik 21:30era. 

• Balleta: 
  *taldearen mailaren araberako ordutegiak. 

• Dantza garaikidea:

  • Hastapena. Ostiralak, 19:30-21:00. 

  • Aurreratua: Astelehen eta asteazkenak, 20:15-21:45.

• Ehoziri eta patchworka: 
  Astelehenak, 15:30-19:30.

• Pintura eta marrazketa: 

  • Astelehen eta asteazkenak 10:30-12:30, 15:30-17:30 edo 18:00-20:00.

  • Astearte eta ostegunak 10:30-12:30, 15:30-17:30 edo 18:00-20:00.

• Eskulanak (6 eta 10 urte bitarteko haurrentzat): 
  Astelehen eta asteazkenak, 17:30-18:30 edo 18:30-19:30

• Zeramika: 

  • Astearte eta asteazkenak, 10:00-12:00

  • Astearte eta ostegunak, 16:00-18:00

  • Astelehen eta asteazkenak, 18:30-20:30.

*Informazio osoa hemen dago ikusgai.