Biodibertsitate Gunearen 2025eko lehen hiruhilabeteko jardueren programa, prest

• Biodibertsitatearen inguruko zortzi dibulgazio eta prestakuntza jarduera izango dira, urtarriletik martxora bitartean.

• Tolosaldean harrapatutako fauna basatiaren azterketaren emaitzak aurkeztuko dira, asteazkenean, Antxon Bandres Bidaiarien Txokoan, 18:00etan.

Biodibertsitate Guneak prest du 2025. urteko lehen hiruhilabeteko programazioa. Dibulgazioaren eta formazioaren bidez, Tolosaldeko natura eta fauna ezagutzera emateko zortzi jarduera eta irteera antolatu ditu. Hauxe da egitaraua:

1. Urtarrilak 15, 18:00. Antxon Bandres Bidaiarien Txokoa.
   Tolosaldean harrapatutako fauna basatiaren azterketa (2023-24 emaitzak). (Gaztelaniaz)

2. Urtarrilak 26
   Irteera: Ibiurko urtegia. (Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik).

3. Otsailak 5, 18:00. Antxon Bandres Bidaiarien Txokoa.
   Ezagutu Tolosaldeko zuhaitz eta zuhaixka ohikoenak II. (Gaztelaniaz)

4. Otsailak 9
   Irteera: Arteotako lepoa. (Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik).

5. Otsailak 19, 18:00. Antxon Bandres Bidaiarien Txokoa.
   Hegaztien ugalketa. (Gaztelaniaz)

6. Martxoak 12, 18:00. Antxon Bandres Bidaiarien Txokoa.
   Gipuzkoako Orkideak I. (Euskaraz)

7. Martxoak 16
   Irteera: Gaztelu-Uli-Gaztelu. (Deialdiaren xehetasunak egun batzuk lehenago jakinaraziko dira, Biodibertsitate Guneko kanaletatik).

8. Martxoak 26, 18:00. Antxon Bandres Bidaiarien Txokoa.
   Gipuzkoako Orkideak II. (Euskaraz)

400dik gora parte hartzaile iaz

2024ko memoria ere osatu du Biodibertsitate Guneak, eta balantze ona egin du. Parte hartzearen datua adierazgarria da: guztira 401 parte-hartzaile erakarri ditu urte osoan zehar, jarduera bakoitzeko batez beste 18-19 pertsona bilduz. Horrez gain, 90 herritarrek izena eman dute talde egonkortuan.