Adinekoen kognizio-kaltea prebenitzeko ‘Do Re Ni’ estimulazio-saioetan parte hartzeko aukerak zabalik jarraitzen du

Hitzorduak

Udaterako

NANa /Pasaportea

Tolosako Udala
2026/08/28 | Gizarte Zerbitzuak eta Osasuna
  • Musikaren bitartez garuna estimulatzeko bi taldeetan plaza libreak daude.
  • Ate irekiak antolatuko dira irailaren 10ean eta 17an.

Do, Re, Ni  jarduerak ongizatea sustatzen du modu prebentiboan, ohitura  osasungarriak eta elkarren arteko harremanak indartuz, eta lagungarria da alzheimerraren eta bestelako dementzien eragina atzeratzeko. Egitasmoa maiatzean jarri zen martxan, eta bi talde osatu ziren nork bere garun-osasuna zaintzeko gaitasunak lantzeko. Oraindik ere badago jardueran parte hartzeko aukera, baina aldez aurretik izena eman beharko da.

Egitasmoaren berri emateko, ate irekien bi jardunaldi antolatuko dira Iturriza elkartean (San Juan kalea, 2), irailaren 10ean eta 17an, goizeko 10:00etatik 10:30era. Ate irekietara bertaratzen diren eta ekimenean parte hartzeko interesa duten pertsonek 16 asteko proba egiteko aukera izango dute, ordu erdiko saioetan, 35 € ordainduta.

Do, Re, Ni jardueran parte hartzeko, ezinbestekoa izango da prozesuan konpromisoa hartzea eta norbere onena ematea, helburuak lortzeko. Xehetasun gehiago jakiteko, deitu 670 985 927 telefono-zenbakira edo idatzi info@kantaitaenea.com helbide elektronikora.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.