18:30etan abiatuko da ostiralean Erregeen Kabalgata Plaza Zaharretik

Tolosako Udala
2018/01/03 | Kultura, Gazteria, Jaiak

Errege Magoek iragarri dutenez, ostiralean, urtarrilak 5, arratsaldeko 18:30etan iritsiko dira Tolosara. Plaza Zaharretik abiatuko dira eta Tolosako kaleetatik barrena ibiliko dira haur zein helduei agurtuz.

Meltxor, Gaspar eta Baltasarrek, zaldi gainean, Plaza Zaharretik Zerkausi kalerako norabidea hartuko dute. Bertatik Korreo, Gorriti eta Rondilla kaleak zeharkatuko dituzte Euskal Herria plazara iritsi arte. Ondoren Rondilla eta Atadi kaletik Zerkausiraino bertaratuko dira (20:00ak aldera iritsiko dira). Bertan haurrak agurtuko dituzte banan banan eta eskutitzak pertsonalki jasotzeko aukera izango dute.

Desfilean, Erregeekin batera erraldoiak, Jaiotza Biziaren karroza, kriseiluak, soinujoleak, bertako produktuekin osatuko saskiak eramango dituzten artzai-andreak, Udaberri dantza taldea, antortxak, txistulariak, jaiotzak, dultzaineroak eta musika banda joango dira. Guztira, 400 parte-hartzaile inguru izango dira.

20 kilo karamelu prestatu dira desfilera joaten diren umeentzat.

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.