'Bedaioko erreferenduma'-k eskuratu du 2018ko Karroza eta Konpartsen lehiaketako lehen saria

Tolosako Udala
2018/02/16 | Kultura, Gazteria, Jaiak

Lehiaketara aurkeztutako 77 karroza eta konpartsen artean honakoak izan dira sarituak modalitate ezberdinetan:

  • Karrozen lehen saria: “Bedaioko erreferenduma”
  • A taldeko (25 lagun baino gehiago) konpartsen lehen saria: “Topic”
  • B taldeko (12 eta 25 lagun bitartean) konpartsen lehen saria: “Aluminium”
  • C taldeko (6 eta 11 lagun bitartean) konpartsen lehen saria: “Mugittu”
  • D taldeko (1 eta 5 lagun bitartean) konpartsen lehen saria: “Turkish ileapaindegia”
  • Karroza/konpartsa berdinzalenaren saria: “Casi-no”

Sariez gain, “Ostoak” konpartsak epaimahaiaren aipamen berezia jaso du. Guztiek txapela bana jaso dute.

Aurtengoan bigarren aldiz Topic-en egin da sari banaketa, eta berezitasun gisa, Pablo Dendaluzek prestatutako 2018ko iñauterien laburpen bideo bat emititu da bertan. Gainera, egile berak gauzatu duen iñauterien jarraipena ere saritu guztiei banatu zaie, ohiko sariekin batera.


Epaimahaia

Zazpi kidek osatu dute epaimahaia: Tolosako Udalaren bi ordezkarik (Jaiak eta Berdintasun sailak) eta Inauterietako karroza eta konpartsen lehiaketako ohizko parte hartzaileen bost ordezkarik.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.