Eduardo Mocoroa Udal Musika Eskolaren 2018/19 ikasturteko matrikulaldia maiatzaren 9an zabalduko da

• Maiatzaren 9tik irailera bitarte era mailakatuan egingo dira matrikula eta izen-emateak.
• Tramiteak Musika Eskolan burutu behar dira, eta edozein zalantza argitu edo argibiderako bertaratu, 943 65 15 93 telefonora deitu, edota musika@tolosa.eus-era idatzi.
• Matrikula orriak eta matrikularako baldintzak atxikita.

Ikasturtea ez da amaitu, baina Eduardo Mocoroa Udal Musika Eskola hurrengoaren prestaketak burutzen ari da. Bide horretan, jada 2018-19 ikasturteko matrikulaldiaren hasiera data ezarri dute: maiatzak 9.

Era mailakatuan egingo dira matrikula edota izen-emateak:

• Maiatzaren 9tik 18ra, bertako ikasleak, jadanik instrumentua jotzen dutenak eta instrumenturik gabeko ikasketak egingo dute matrikula.

• Maiatzak 22tik 25era, instrumentua 1go aldiz hartuko duten bertako ikasleen izen-ematea.

• Maiatzak 30ean, plaza bakanteen zozketa gauzatuko da eta ondorenean bilera. 18:00etan ezarri dute hitzordua.

• Ekainak 4tik 8ra, instrumentua 1go aldiz hartuko duten bertako ikasleen matrikula.

• Ekainak 12tik 29ra, bertakoak ez diren ikasle berrien matrikula, plazak bete artean.

• Eta azkenik, irailaren 3tik aurrera, kasu berezien (4. zikloa) eta bakanteak betetzeko matrikulak.

Matrikula orriak eta matrikularako bete beharreko baldintzak atxikita.

Tramiteak Musika Eskolan burutu behar dira, astelehenetik ostiralera, 10:00etatik 13:00era eta 17:15etatik 18:30etara. Edozein zalantza argitzeko Musika Eskolaren egoitzara bertaratu (Rondilla kalea, 34 B), 943 65 15 93 telefonora deitu, edota musika@tolosa.eus-era idatzi.