Jaiotzen lehiaketan izen emateko epea zabalik urtarrilaren 2a arte

Hitzordua
Informazio gehiago

Tolosako Udala
2017/12/12 | Kultura, Festak eta Gazteria

Eguberriak ate joka dira eta jada egun berezi horietako programazioari azken ikutuak ematen ari da Udala. Ohiko eran, 24an iritsiko da Olentzero, 31n agurtuko dugu urtea eta urtarrilaren 5ean etorriko dira Ekialdeko Errege Magoak. Tolosarrek egindako jaiotzak izango dituzte kabalgatan bidelagun.

Hain zuzen, jaiotza aurkezteko izen ematea zabalik da jada eta Kultur Etxean egin behar da, urtarrilaren 2a bitartean. Urtarrilaren 3an eraman beharko dira jaiotzak Aranburu Jauregira, 17:30ak eta 20:30ak artean eta ikusgai egongo dira urtarrilaren 4a arte bigarrenez.

Errege Kabalgata egunean, jaiotzen lehiaketan parte hartu dutenek, 17:30etan joan beharko dute Aranburu Jauregira beren jaiotza hartzera.

Asialdiko begiraleak izango dira epaimahai lanak burutuko dituztenak. Sariak erregeek emango dituzte Zerkausian kabalgata egunean, ibilbidea amaitu ondoren.

Sariak honakoak dira:

1. saria: 40 €ko erosketa tiketa taldeko partaide bakoitzarentzat.
2. saria: 30 €ko erosketa tiketa taldeko partaide bakoitzarentzat.
3. saria: 20 €ko erosketa tiketa taldeko partaide bakoitzarentzat.

Oinarriak eta izen emate orriak www.tolosa.eus -en.

Fitxategiak: 
Microsoft Office document icon JAIOTZA LEHIAKETA OINARRIAK 2017.doc

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.