Udalak 12 kaletako zoladura berrituko du uda honetan hasita

• Kale-asfaltatze osoen eta mantentze-lanen artean, guztira, 300.000 euroko inbertsioa gauzatuko du Udalak.
• Zoladuraren mantentze-lanak burutuko dira 8 kaletan, eta kale osoa hartuko duen asfaltatze-lan integralak, berriz, beste 4 gunetan.

Kale-asfaltatze osoen eta mantentze-lanen artean, Tolosako 12 kaletako zoladura berrituko du Udalak uda honetan hasi eta urte amaiera bitartean. Guztira, 300.000 euroko inbertsioa gauzatuko da zoladuraren mantentze-lanak burutuz 8 kaletan, eta kale osoa hartuko duen asfaltatze-lan integralak eginez beste 4 gunetan.

Hau definitzeko, herriko kaleen egoeraren azterketa gauzatu du Udalak, premiazko beharrak lehenetsiz. Hori horrela, honakoak izango dira esku-hartze guneak:

Kale osoko asfaltatzeak:

• San Esteban auzoa.
• Rondilla kalea.
• Andre Mari kalea.
• San Blas auzoan, hilerriko bidea.

Zoladuraren mantentze-lanak:

• Pedro Tolosa.
• Iparragirre kalea.
• Eguzkitza sagardotegiko bidearen esparru publikoa.
• Donostia etorbidea.
• Bentaundi.
• Bizkaia kalea.
• Iurre auzoan, Eroski hipermerkatu pareko kalea.
• San Frantzisko pasealekua.

Behin lanak hastear direnean, kalez kaleko ordutegien eta trafiko mozketen informazioa zabalduko da.

Edozein zalantzaren aurrean, 943 69 75 00 telefonora dei daiteke, hirigintza@tolosa.eus -era idatzi edota Udaleko Obra eta Zerbitzuen Departamentura bertaratu (Plaza Zaharra 6).