Urtarrilaren 9an zabalduko da alokairu ordainketa errazteko dirulaguntzak eskatzeko epea
2023/01/05 | Etxebizitza
Eskaerak astelehenetik hasita, otsailaren 3a arte (biak barne) egin ahal izango dira aurrez aurre UDATEko etxebizitza bulegoan edota telematikoki udal webgunean. Informazio gehiagorako herritarrek udal webgunera edota etxebizitza bulegora jo dezakete. Dirulaguntza lerro berria legealdi honetan sortu da, eta iaz egokitzapenak egin ziren ordenantzan diru-sarrera muga eta errentaren gehieneko kopurua handitzeko eta hartzaile gisa kolektibo berriak txertatzeko tolosar gehiagok izan dezaten laguntza jasotzeko aukera. Xabier Balerdi, etxebizitza saileko zinegotzia: “etxebizitza alorra lehentasunezkoa eta estrategikoa da gobernu honentzat eta horrela izan da legealdi hasieratik. Etxebizitza oinarrizko eskubide bat da eta ezinbestekoa da herritarrei erraztasunak eta aukera berriak eskaintzeko neurriak hartzea; zentzu horretan, alokairuaren aldeko politika publikoen sustapenen alde dihardugu lanean, etxebizitza sarbidea errazteko eta etxebizitzak ekonomikoki eskuragarriago jartzeko, tolosar guztiek izan dezaten bertan bizitzeko aukera.