Zabalik da etxebizitza alorreko dirulaguntzak eskatzeko epea

• Bi dirulaguntza lerro daude: bata, alokairua ordaintzen laguntzeko; eta etxe hutsak eraberritu eta alokairu sozialera bideratzeko, bestea.

• Eskaerak egiteko epea irailaren 20an amaituko da.

Maiatzean argitaratu zen Tolosako Udalaren aurtengo dirulaguntza-deialdi bateratua, 17 lerro biltzen dituena. Horietako bi etxebizitza alorrekoak dira, eta horien kasuan, eskaerak egiteko epea abuztuan bigarren hamabostaldian ireki da.

• Alokairua ordaintzen laguntzeko dirulaguntzak: 58.800 € (agortuko balitz, 20.000 € gehiago).
  Tolosan ohiko bizileku den etxebizitzaren errenta ordaintzen laguntzeko laguntza da. Hilabetean gehienez 300 eta 350 euro artean ematen dira, lehiarik gabeko konkurrentzian. Gutxienez azken hiru urteetan Tolosan erroldatuta dagoen edonork eskatu ahal izango du, beti ere etxerik jabetzan ez badu, Etxebiden izena emanda badago eta beste erakundeetatik dirulaguntzarik jasotzen ez badu.
  Informazio gehiago: Oinarri arautzaileak, baldintzak eta eskaera egiteko beharrezko dokumentazioa, hemen.
   

• Etxebizitza hutsak eraberritu eta alokairu soziala sustatzeko dirulaguntzak: 40.000 € (agortuko balitz, beste 40.000 € gehiagorekin osatuko da poltsa)
  Diruz lagunduko dira 2024ko irailaren 1etik eta 2025eko abuztuaren 31ra bitarteko data izan eta Alokabideren aldeko azken txosten teknikoan jasota dauden eraberritze-lanak. Laguntza Alokabidek eskatutako obraren zenbatekoaren % 50 da, gehienez 6.000 €, edo Alde Zaharreko etxebizitzen kasuan, 12.000 €. 
  Informazio gehiago: Oinarri arautzaileak, baldintzak eta eskaera egiteko beharrezko dokumentazioa, hemen.

Eskaerak egiteko epea irailaren 20an itxiko da. Bi modutara egin ahal izango dira: udalaren egoitza elektronikoan; hau da, webguneko tramiteen atalean, edo UDATEn, herritarren arreta-zerbitzuaren bulegoan.

Eskaerak erregistro elektronikotik nola egin jakiteko gida eta bideoak eskuragarri daude webgunean. BakQ ziurtagiri elektronikoa nola eskuratu ere azaltzen da orrialde horretan.

Informazio gehiagorako, Etxebizitza Sailarekin ere jarri ahal izango da harremanetan, 010 (deia Tolosatik bertatik egiten bada bakarrik) edo 943 65 44 66 telefono zenbakira deituta.