Berdintasun saileko diru-laguntza deialdiaren inguruko bilera informatiboa deitu da astelehenerako, maiatzak 28

Tolosako Udalaren Berdintasun sailak 'emakumeen eta gizonen berdintasuna sustatzeko jardueren dirulaguntzak 2018' izeneko diru-laguntza lerroa onartu du eta deialdi publikoa deituko da datozen egunetan.

Diru-laguntzak eskatzeko interesa izan dezaketen talde nahiz pertsonentzat antolatu da bilera, eskaerak eta diru-laguntzen zuriketak nola egin azaltzeko eta laguntza emateko. Datorren astelehenean izango da, maiatzak 28, arratsaldeko 18:00etan Tolosako Kultur Etxean. Oso garrantzitsua da bertan izatea bai urtez urte diru-laguntza eskatzen dutenak, eta baita lehenengo aldiz eskatzeko asmoa dutenak ere.