Tolosak herrian jazotako bortxaketa irmoki salatu eta elkarretaratzera deitu ditu herritarrak

Tolosako Udala
2018/04/27 | Berdintasuna

Tolosako Udalak irmoki gaitzetsi du herrian gertatutako bortxaketa, apirilaren 26an emakume batek salatua.

Sexu-erasoa jasan duen emakumeari zuzeneko elkartasuna eta babesa adierazi dio Udalak eta indarkeria mota honi aurre egiteko dituen zerbitzuak eta tresnak bere eskura jarri ditu.

Gaineratu gaur, apirilak 27, ostirala, Udalak, herriko Mugimendu Feministarekin eta emakumeen elkarteekin bat eginda, 15 minutuko elkarretaratzea deitu duela arratsaldeko 19:00etan, Udaletxe aurrean (Plaza Zaharra), 'Indarkeria sexistarik gabeko herri baten alde' lelopean, eta herritarrei bertaratzeko gonbita luzatzen diela.