Ohiko Osoko Bilkura azaroaren 24an, 19:30ean batzar-aretoan

Udalak Ohiko Osoko Bilkura egingo du azaroaren 24an, osteguna, 19:30ean, Tolosako Udaletxeko batzar-aretoan, honako gai-zerrenda honekin:
1.    Akta hau onartzea:
2022ko urriaren 27ko Ohiko Osoko Bilkurakoa.
2. Onartzea, 2022. urterako, udal langileen ordainsarien igoera.
3.    Hasierako onarpena ematea 2022ko dirulaguntzen eranskina aldatzeko 6-2022 proposamenari.
4.    Itxitako ekitaldiko fakturaren onarpena.
5.     Onartzea Gipuzkoako Foru Aldundiaren eta Tolosako Udalaren arteko lankidetza hitzarmena, Udalak berezkoak dituen zuzenbide publikoko sarrerak bide exekutiboan biltzeko.
6. Urbanizazio, eraikuntza, eta ingurumena, paisaia eta natura babesteko udal ordenantzaren IV. Tituluaren (ostalaritza eta jolas jarduerak baimentzea eta ezartzea arautzeko baldintzak) aldaketaren hasierako onespenari jendaurreko epean aurkeztutako alegazioa erantzutea, akatsa zuzentzea eta behin betiko onespena ematea.
7.    Etxebizitzak eta bizitegi eraikinak birgaitzeko dirulaguntzak emateko udal ordenantzan akats aritmetikoak zuzendu izanaren berri ematea.
8. Kreditu gehigarrien modalitateko 18/2022 kreditu aldaketarako espedientearen berri ematea.

9.    Kreditu gehigarrien modalitateko 19/2022 kreditu aldaketarako espedientearen berri ematea.
10.    Mozioa: Azaroaren 25a, Emakumeenganako indarkeriaren kontrako Nazioarteko eguna.
11.    Galderak eta eskaerak.
Tolosar guztiak gonbidatuta daude ekitaldira.