Tolosan jokatuko dira sei mailatako Gipuzkoako saskibaloi finalak, larunbatean

• Usabal kiroldegian izango dira saskibaloiko Gipuzkoako Finalen Finalak, Gipuzkoako Saskibaloi Federazioak TAKErekin eta Udalarekin batera antolatuta.

• Egun osoan jokatuko dira partidak, sei guztira: kadete-, junior- eta senior-mailako bina final. 12 talde arituko dira lehian.

2024-2025 denboraldiko Saskibaloiko Finalen Finala Tolosan izango da. Larunbatean, maiatzaren 17an, egun osoan, errendimenduko sei mailatako Gipuzkoako finalak jokatuko dira Usabal kiroldegian.

Gipuzkoako Saskibaloi Federazioak antolatu du hitzordua, TAKE – Tolosako Adiskideok Kirol Elkarteak eta Tolosako Udalak lagunduta. Hain zuzen, hiru erakunde horietako ordezkariek aurkeztu dute finala, gaur goizean: Jon Txakartegi GSFko zuzendariak, Koldo Arsuaga TAKEko presidenteak eta Andu Martinez de Rituerto Tolosako alkateak.

Denboraldi amaierako kirol-ekitaldi garrantzitsuena izango da Gipuzkoako saskibaloiarentzat. Egun berean jokatuko dira errendimenduko sei finalak: gizonezkoen eta emakumezkoen kadete-, junior- eta senior-mailakoak, hain zuzen. Guztira 12 talde arituko dira nor baino nor gehiago. 10:00etan jokatuko da lehen finala, eta 20:00etan azkena. Hauek dira ordutegiak:

• 10:00 (Kadete gizonezkoak): Zast Dance - Easo Basket Il Gusto.

• 12:00 (Kadete emakumezkoak): Etxaniz Autoeskola ISB - Yoga Shala Askatuak.

• 14:00 (Junior gizonezkoak): Saski Axular - Zast&Furious.

• 16:00 (Junior emakumezkoak): Ordizia Orbinox - Mondragon Unibertsitatea Morea.

• 18:00 (Senior emakumezkoak): Goierri Aldapa - CD Internacional.

• 20:00 (Senior gizonezkoak): Donosti Dolphins - Atletico Sn Sn.