‘Etxebizitza jokoak’ eta ‘Kontxitako barandilla’, 2025eko Inauterietako karrozen eta konpartsen lehiaketako garaile

Hitzordua
Informazio gehiago

Tolosako Udala
2025/03/20 | Kultura, Festak eta Gazteria
  • ‘Galgo’ eta ‘Matxinsalto’ karrozek eskuratu dituzte bigarren eta hirugarren sariak, hurrenez hurren.

 

2025ko Inauterietako karroza eta konpartsen lehiaketak baditu saridunak. Karrozen kasuan, hiru onenak izendatu dira, datorren urtera begira lekua hautatatzeko aukera izaten baitute sari modura; konpartsen kasuan, berriz, onena aukeratu da.

Karrozak, lehen saria: ‘Etxebizitza jokoak’

Tolosan gazteen artean pil-pilean dagoen gai bat ardatz hartuta, gazteek etxebizitza bat lortzeko duten zailtasuna irudikatu dute, egun oso ezaguna den telesail bati erreferentzia eginez. Belaunaldi desberdinetako ikusleak bildu zitzaizkien ingurura, antzezpen originala eta euskaraz egindakoa ikustera. Aipamen berezia merezi du eraikitako panpina erraldoiak.

 

Karrozak, bigarren saria: ‘Galgo’

Tolosan historikoa izan zen Galgo paper fabrika irudikatu dute, modu oso originalean, mozorro, kolore eta arropen diseinua oso landuarekin. Herriarekin guztiz lotuta dagoen gaia hartuta, koreografia originalak, deigarriak eta bereziak egin dituzte. Paper fabrikako langileak, ibai ertzeko arratoiak, kutsaduraren ondoriozko piztia bitxiak…

 

Karrozak, hirugarren saria: ‘Matxinsaltoa’

Matxinsaltoa: ikusleen parte hartzea bilatu dute, barraketan ohikoa den matxinsalto bat irudikatuz. Oso ondo eraikitako matxinsaltoa izan da eta ikusleek oso ondo pasa dute gira eta biraka. Karroza txikiago batekin ere, ikuskizun ederra egin daitekeela erakutsi digute.

 

Konpartsak, lehen saria: ‘Kontxitako barandilla’

Donostiako Kontxako barandillako ballet dantzariak irudikatu dituzte Tolosan. Umorez baliatutako ikuskizuna egin dute, kalez-kale. Mikrofonoa eskuan hartuta, ikusleak dantzara gonbidatu dituzte, tutuak jantzi eta lotsak alde batera utziz. 

Sari modura, hiru karrozek kokalekua aukeratu ahal izango dute datorren urteko inauterietan eta lehen sariaren irabazleek, hau da, Etxebizitzako kideek, 20 lagunentzako afaria ere jaso dute. Konpartsa irabazleak ere afari bat jaso du sari gisa.

 

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA