Kiroldegiko tatamietan eta rokodromoan egiten den mugikorraren erabileraz ohartarazi dute Altxa Burua elkarteak, Udalak eta Kiroldegiko kudeatzaileek

Hitzordua
Informazio gehiago

Tolosako Udala
2025/03/27 | Kultura, Festak eta Gazteria

  • Asteburuetan haur ugari pilatzen dira, mugikorrarekin jolasean eta jaten; eremu hori erabilera horretarako ez dela ohartarazi dute.

  • Hiru aldeak bilerak egiten hasi dira balizko irtenbideak topatzeko.
     

Altxa Buruak, teknologiaren erabilera egokia sustatu nahi duen guraso elkarteak, Tolosako Udalak eta Usabal Kiroldegiko kudeatzaileek, kiroldegian bertan azken hilabeteotan ematen ari den egoera baten inguruko kezka azaleratu dute: asteburuetan, larunbat arratsaldetan, batik bat, haur eta gaztetxo ugari pilatzen dira tatamietan eta rokodromoko koltxonetetan, mugikorrarekin jolasten eta jaten. 

Kirola praktikatzeko eremuak izanik, kiroldegiko langileek hori zuzentzeko ahaleginak egin izan dituzte, baina arazoak bere horretan jarraitzen duela ohartarazi dute. Kezka bakarra ez da instalazioen erabilera, baita mugikorraren gehiegizko erabilerari lotutakoa ere.

Hori dela eta, irtenbideak topatu nahian, hiru aldeak lan-bilerak egiten hasi dira. Hiru helburu finaktu dituzte: batetik, teknologiaren erabilera arduratsuaren inguruko kontzientzia piztea gazte eta gurasoei; bestetik, egoera horiek ekiditeko aisialdiari lotutako alternatibak sortzea; eta, azkenik, kirola praktikatzeko eremu horien erabilera egokia bermatzea.

«Azken urteetan mugikorren gehiegizko erabilera orokortu egin da gizartean, eta erabilera horrek zuzenean eragiten die gaztetxoei. Kontziente gara adin horretako gazteek ez dutela espazio estali ugari elkartzeko, bereziki negu partean», azaldu dute. Dena dela, alternatibak bilatzen hasi direla azpimarratu dute: «Kiroldegian Gazte Topagunearen tankerako espazio bat sortzeko aukera jarri dugu mahai gainean, gazteen artean aisialdi osasuntsua sustatu asmoz. Haurrentzako parke moduko bat dagoen bezala, gazteei bideratutako beste bat sortzeko aukeraz hitz egin dugu. Ea zein aukera ditugun, forma ematen ahaleginduko gara». 

Bien bitartean, gurasoei arreta jarri eta kontzientziazio lanak egiteko deia luzatu diete.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.