Sanjoanak: trafikoari eta aparkalekuei buruzko oharrak

San Joan jaien harira, hainbat trafiko eten eta aldaketa egingo dira Tolosan: 

Larunbata, ekainak 21. Kuadrilla eguna

• Trafiko mozketa:

  • Rondilla kalea: 10:00etatik aurrera itxita egongo da ibilgailuentzat, Kuadrilla Eguna dela eta (Musika Eskolaren paretik Trianguloa plazara). Garajeetako sarbidea, Inpernu kaletik egin beharko da. 22:00etan zabalduko da berriz.

• Kotxez hustu beharko dira: 

  • Rondilla kalea, 07:00etarako: kalea ibilgailuentzat ixteaz gain, kotxez hustu beharko da Emakumeen plaza paretik Trianguloa plazara, baita Trianguloko zamalanen gunea ere. 

  • San Frantzisko pasealekua (elizatik Gernikako Arbola lorategietara), 06:00ak baino lehen hustu beharko da: goizean, Euskal Herria plazako azoka San Frantzisko pasealekuan egingo da. Postuak kentzen direnean, berriro ere aparkatu ahal izango da bertan.

  • Kale Barrena: ezingo da aparkatu egun osoan zehar.

• Autobus geralekuak:

  • Egun osoan, Rondilla kalean eta San Frantzisko eliza parean dauden autobus geltokiak bertan behera geratuko dira, baita Hiribusarentzat ere. Santa Klarako geltokia erabili beharko da horien ordez. 22:00etatik aurrera, berriro ere, ohiko kokalekuetara itzuliko dira.

Igandea, ekainak 22

• Aparkalekua:

  • Rondilla kalean aparkatu ahal izango da, goizean goizetik.

• Kotxez hustu beharko da:

  • Trianguloa plazako zamalanen eremua: estropadak direla eta, traineruak eta bestelako materialak deskargatzeko erreserbatuko da.

  • Kale Barrena: ezingo da aparkatu egun osoan zehar.

Astelehena, ekainak 23. San Joan bezpera

• Trafikoan etena:

  • Naparzubia: San Joan su txikia eta San Joan sua egiten den bitartean itxita egongo da. Hori dela eta, Alde Zaharreko garajeetarako sartu-irtenak Felipe Gorriti plazatik egin beharko dira, urtero bezala.

• Kotxez hustu beharko dira: 

  • Zumarditxikia (07:00etarako): hurrengo egunean, su artifizialak prestatzen arituko dira goizetik. Horregatik, eremua libre utzi beharko da bezperan. Ekainaren 25ean, garbiketa lanak egin bezain pronto zabalduko da.

  • Kale Barrena: ezingo da aparkatu egun osoan zehar.

Asteartea, ekainak 24. San Joan eguna 

• Trafiko mozketa (08:00-00:00):

  • Rondilla kalea: San Joan eguneko ospakizuna dela eta, Rondilla kalea itxita egongo da ibilgailuentzat Musika Eskolaren paretik Trianguloa plazara arte. 

  • Goiz osoan zehar Alde Zaharreko trafikoa moztuko da.

  • Eten puntualak izango dira arratsaldean, eskopetero konpainiak eta Udalbatza pasatu ahala. 17:00etatik 18:00etara, Larramendi kalean (Izaskungo aldapatik joateko gomendioa egiten da). 18:45ean eta 20:00etan, Santa Klara kalean ere etenak egingo dira. Hortaz, ordu horietan eremu horiek ekiditeko gomendatzen da.

  • Santa Klara kaleko trafikoa guztiz itxiko da su artifizialengatik, 22:45-23:45 tartean, gutxi gorabehera. Suhiltzaileek eremua garbitutakoan zabalduko da.

• Kotxez hustu beharko dira: 

  • Rondilla kalea (goizeko 06:00etarako): kalea ibilgailuentzat ixteaz gain, kotxez hustu beharko da Emakumeen plaza paretik Trianguloa plazara arte, Trianguloko zamalanen eremua eta aparkalekuak barne (06:00etarako). 

  • Kale Barrena: ezingo da aparkatu egun osoan zehar.

• Autobus geralekuak:

  • Egun osoz, Rondilla kaleko eta San Frantzisko elizaren pareko autobus geltokiak bertan behera geratuko dira. Erabiltzaileek Santa Klarako geltokia erabili beharko dute.