Maixabel filmaren estreinua eta pelikula gehiago iraileko zine programazioaren baitan

• Udalak, kalitatezko zine programazioa antolatu du irailean kurtso berriari ekiteko.

• Zine emanaldietarako bonuak webgune honetan eskuratu daitezke, eta abenduaren 31ra bitarte erabili daitezke, ondoren ez dute baliorik izango.

Tolosako Udalak irailerako zine egitarau esanguratsua antolatu du. Leidorren izango dira saio guztiak. Haurrentzako pelikulak, ohiko moduan, 16:00etan hasiko dira, eta helduentzako direnak, aldiz, 19:00etan. Segurtasun neurri guztiak beteko dira zine aretoetan, orain arte bezala. Udalaren helburua da tolosarrei kalitatezko ekoizpenak eskaintzea, kulturaz segurtasunez gozatzen jarraitu dezaten.

Iraileko zine saioei dagokienez, kalitatea eta aniztasuna nabarmendu behar da. Hainbat zine jaialdietan aurkeztu den “Las cosas que decimos, las cosas que hacemos” filma proiektatuko da, baita bertako ekoizpena den “Nora” pelikula ere. Bestalde, “Maixabel” filmaren eszena batzuk Tolosan grabatu ziren eta irailean estreinatuko da Leidorren irailaren 24an. Maixabel Lasa eta filmean parte hartu duen aktore bat egongo dira estreinu egunean.

Haurrentzako ere eskaintza aberatsa antolatu du udalak, hala nola, “Space Jam: nuevas leyendas” filmaren estreinua.

Hona hemen iraileko eta urri hasierako zine saioen zerrenda osoa:

Zine bonuak: abenduaren 31 bitarte erabilgarri

Ekainean hasi zen Leidor aretoan eskaintzen diren zine emanaldietarako bonuen kanpaina. 10, 20 eta 30 saiotarako bonuak eskuratu daitezke webgune honetan edo Leidorreko leihatilan. Bonuen iraungitze data abenduaren 31a izango da, hau da, bonuak edozein garaitan erosten direla ere, abenduaren 31tik aurrera ez dute baliorik izango eta ezingo dira erabili.