2025eko Tolosako azoka berezien datak, finkatuta

Hitzordua
Informazio gehiago

Tolosako Udala
2025/01/20 | Merkataritza, Feriak eta Turismoa
  • Guztira hamaika ekitaldi gastronomiko egingo dira urte osoan zehar.
  • Lehen hitzordua larunbat honetan izango da, Zuhaitz Azokaren XXIX. edizioa ospatuko baita, zazpi mintegiren parte hartzearekin.

 

 

Zehaztu dira 2025eko azoka berezien datak. Tolosa prest da azoka berezien beste denboraldi emankor bati hasiera emateko. Urtearen bukaerara arte, hamaika ekitaldi gastronomiko egingo dira herrian. 

Lehena urtarrilean izango da, hilaren 25ean, Trianguloa plazan: XXIX. edizioa izango duen Zuhaitz Azoka ospatuko da. Zazpi mintegi bertaratuko dira euren produktuak saltzera. 09:00etatik 14:00etara. Besteak beste, haziak, fruitu eta landare deshidratatuak, frutalak, ornamentalak, basoko landareak eta loreak izango dira. Gipuzkoako Baso Elkarteak ere postua jarriko du, bazkideei eskaintzen dizkien zerbitzuak aletzeko eta baso jabe batzuen esperientziak azaltzeko asmoz. Zuhaitz landare mota ezberdinak ere izango dituzte ikusgai. 

Gainerako azoka berezien behin behineko datak

Azoka berezien 2025. urteko egutegiak aurreko urteetako joera mantenduko du. Maiatzean, bi azoka berezi egingo dira. Lehena, Lore eta Landare Azoka. Bigarrena, Bertako Haragien Azoka, inguruko ekoizleen behiki, zaldiki, txerriki, oilaki edota ahatekiak ezagutzeko aukera. Ekainean, Ardo Txuri Txokoa; irailean, Garagardo Festa; urrian Mikologika eta Goxua; Azaroan, Esneki, Frisoi Lehiaketa eta Babarrunaren Festa. Abenduan, Gabonetako Azoka. 

Azoka batzuetako produktu nagusiak uztaren eta lurraren menpekoak direnez, behin behinekoak izango dira datak. Gomendagarria da Tolosako Udalaren webgunea edo Tolosako Azokaren sare sozialak kontsultatzea informazio eguneratua lortzeko.

EGUNA

AZOKA

URTARRILAK 25

XXIX. ZUHAITZ EGUNA

MAIATZAK 15-18

BERTAKO HARAGIEN AZOKA

MAIATZAK 10

LORE ETA LANDARE AZOKA

EKAINAK 7

VII. ARDO TXURI TXOKOA

IRAILAK 18-21

XXV. GARAGARDO FESTA

URRIAK 17-18

XIX. MIKOLOGIKA

URRIAK 25

XXX. TOLOSA GOXUA

AZAROAK 7-8

IX. ESNEKI AZOKA

AZAROAK 8

EUSKAL HERRIKO FRISOI LEHIAKETA

AZAROAK 15

 XXX.TOLOSAKO BABARRUNAREN FESTA

ABENDUAK 20

XXVI. GABONETAKO AZOKA

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.