Bertako Haragien Azokan postua jartzeko eskaerak egiteko epea, zabalik

• Maiatzaren erdialdean izango da Bertako Haragien Azoka Tolosan.

• Ekoizleen produktuen azokan postua jartzeko edo Zumarditxikiko Foodtruck gunean parte hartzeko epea apirilaren 3tik 13ra izango da zabalik.

Tolosako azoka berezien egutegian bigarren mugarria izango den Bertako Haragien Azoka izango da maiatzean. Herritarrek aukera izango dute, Euskal Herrian bertan ekoizten diren hainbat haragi mota ezagutzeaz gain, horiekin egin daitezkeen produktuak zuzenean ikusi eta dastatzeko. 

Egitarauaren nondik norakoak datozen asteetan iragarriko diren arren, jaialdiaren protagonismoa hartuko duen haragien eta ekoizleen azoka maiatzaren 17an izango da, larunbatez, Trianguloa plazan. 

Tokiko ekoizleen produktuak ezagutzeko azokan hainbat animaliatatik eratorritako haragiak ezagutu ahalko dira; hala nola behiki, txerriki, oilaki eta ahatekiak.

Azokaz gain, Zumarditxikian jai giroa izango da nagusi, eta bertan, aurten ere, food truck postuak izango dira, herritarrek haragi mota ezberdinak dastatu ahal izateko.

Bi gune horietan postua jarri ahal izateko eskaerak egiteko epea zabalik dago dagoeneko, eta datorren apirilaren 13ra arte egin ahalko da izen-ematea. Izen-ematea UDATEn edo modu telematikoan, Udal erregistroaren bitartez, egin ahal izango da. Informazio gehiago, bete beharreko baldintzak eta eskaera-orriak eskuragarri daude udal-webgunean, honako esteka hauetan:

• Haragi ekoizleen azoka (Trianguloa)

• Foodtruck-ak (Zumarditxikia)