Kolore, usai eta eguzkia nagusi Lore eta Landare Azokan

Tolosako Udala
2018/05/21 | Merkataritza, Feriak eta Turismoa

Giro polita eta eguzkitsua izan genuen Tolosako azokan. Ekitaldi asko zeuden antolatuta asteburu honetarako; nabarmenena lore eta landareen azoka berezia, eta honekin, landare mota desberdinetako eskaintza izugarria. Lorontzietako urteko apaingarriak, usaingarriak, konifera desberdinak, larrosaondoak eta zenbait zuhaixka berezi ere izan ziren. Udaletxeko arduradunek eskainitako omenaldiak goiza borobiltzen lagundu zuten, eta horrela, oso egun polita bizi izan zen Berdura plazan.

Zerkausian, aipatzekoak udaberriko zizak, kalitate gorenekoak eta oso prezio onean; ilarrak oso puntu onean eta kopuru ugarian. Prezioak ere mantzentzen dihoazte eta datozten asteetan behera egingo dutela iragarri genezake. Babak berriz, dagoeneko, kiloko 4 eurotara jaitsi direla esan daiteke, eta geroz eta gehiago ikusten dira erosleen saskietan.

 

Fitxategiak: 
Fitxategi 2018-05-19.xlsx

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.