Lore eta landare azoka berezian izena emateko epea, zabalik

• Maiatzaren 10ean lore eta landare azoka berezia izango da Tolosako Trianguloa plazan, eta parte hartzeko izen-ematea apirilaren 1etik 10era izango da zabalik. 
• Aurten, lehenbizikoz, loreak, landareak edo haziak erabiliz sortutako artisau-produktuak saltzeko aukera izango da.

Udaberriarekin batera, lore eta landareek protagonismo berezia hartuko dute gure ingurunean, eta Tolosan, bereziki. Izan ere, lore eta landare azoka berezia hartuko du udalerriak maiatzaren 10ean. Azokan postua jartzeko oinarriak kaleratu berri ditu Udalak, eta izen-ematea apirilaren 1etik 10era izango da zabalik (biak barne).

Bertan postua jartzeko aukera izango dute landare eta hazien ekoizpenean edo/eta salmentan eta lore, landare edo haziak erabiliz edo/eta horiek lehengai modura erabiliz artisau produktuak ekoizten dihardutenek. Gainera, aurten lehenbizikoz, loreak, landareak edo haziak erabiliz edo/eta horiek lehengai modura erabiliz sortutako artisau-produktuak ekoizten dihardutenek ere postua jarri ahal izango dute. Hala nola, ehungintza, eztigintza, saskigintza, osagarriak eta egur-taila oinarri dutenak.

Esleituko diren postuetatik % 50 izango dira gehienez ehungintza, eztigintza, saskigintza, osagarriak eta egur-tailak saltzeko. Era berean, bost arlo horietako bakoitzerako postu-kopuru totala kontuan hartuta, % 10 izango da.

Izen-ematea

Lore eta landare azoka berezian  postua jartzeko eskaera egiteko lau modu izango dira:

• Presentziala, UDATEn (ordutegia: astelehenetik asteazkenera, 07:15-14:15; ostegunetan, 07:15-19:00; ostiraletan, 08:15-14:15.
• Erregistro elektronikoaren bidez.
• Posta-bulegoetan, erregelamenduz ezarritako moduan.
• Indarrean dauden xedapenek ezartzen duten beste edozein lekutan.

Hautaketa

Eskaera kopurua eskainitako postuak baino handiagoa denean, aurkeztutako eskaera guztien artean, postuak zozketa bidez esleituko dira. Udalak erabakiko du postuaren kokapena, eta esleipenarekin batera jakinaraziko da. Bestalde, baimena aurtengo azokarako soilik izango dela gogorarazi dute antolatzaileek.