Tolosa eta Villabona arteko trenbide zatian azpiegitura lanak egingo ditu Adifek

• Tolosako erdiguneko tren geltokitik hurbil egingo ditu lanak Adif-ek. Eta lanen ezaugarriengatik, gauez egingo dira eta zarata sor dezakete.

Atzo hasi zen Adif azpiegitura lanak egiten Tolosa eta Villabona arteko trenbide zatian, Tolosako “apeaderoko” tren geltokitik hurbil. Lanen ezaugarriak medio, derrigorrez gauez egin behar dira. Obrak 00:00ak eta 5:00ak bitartean egingo dira, lanegunetan eta hilabeteko iraupena izango dutela aurreikusten da.

Barkamena eskatzen da aldez aurretik lanek sor ditzaketen eragozpenengatik.