Hilerrira joateko Hiribusaren zerbitzu berezia izango da, azaroaren 1ean

• Zerbitzua 09:00etatik 13:15era eta 15:00etatik 18:30era bitarte eskainiko da.

• Autobusaren ibilbidea errazteko, autoak hilerriko aldapan beheranzko noranzkoan aparkatzeko dei egin du Udaltzaingoak.

Azaroaren 1ean, Santu Guztien Egunaren harira, Tolosako Udalak hilerrira joatea errazteko autobus zerbitzu berezia eskainiko du. Goizez  9:00etatik 13:15era eta arratsaldez 15:00etatik 18:30era emango da zerbitzua.

Autobusa Musika Eskolatik abiatuko da. Hilerrira bidean, honako geldialdiak egingo ditu: San Frantzisko elizaren parean, Geltoki kalearen alboan, Berazubin, Iurramendiko biribilgunean, Usabal kiroldegian eta Amarotzen. Itzuleran, berriz, Iparragirren, Bizkaia kalean, J. A. Irazusta pasealekuan eta Trinkete plazan geratuko da.

Hilerrian autoak nola aparkatu

Bestalde, egun horretan trafiko arazoak ekidin eta zirkulazioa hobetzeko gomendio bat luzatu du Udaltzaingoak. Azken urteetan hilerrira doan maldaren eskuinean aparkatu izan dute gidari batzuk, nahiz eta seinaleek hori debekatu. Horrek hiribusa bertaraino iristea oztopatzen duenez, hori ez egiteko eskatu du Udaltzaingoak.

Ostiralean, beraz, hilerriraino igotzeko eta, bertan seinaleekin sortuko duten biribilgunean itzulia eman ondoren, beheranzko noranzkoan espaloira itsatsita aparkatzeko dei egin diete gidariei, autobusaren joan-etorriak ez oztopatzeko.

Udaltzaingoak gidarien laguntza eskatzen du, eta trafiko arazoak saihesteko arauak errespetatzearekin batera.