Olentzeroren etorrera dela eta, Rondilla kalea itxita igande honetan

Tolosako Udala
2017/12/22 | Udaltzaingoa, Herritarren Segurtasuna, Mugikortasuna eta Garraioa

Olentzeroren desfilea dela-eta, 2017ko abenduaren 24an -igandea- Rondilla kalea itxita egongo da trafikoarentzat 12:15etik 21:00etara. 

Ibilbide luzeko autobusek beren geltokia aldatuko dute Rondilla 34tik Santa Klarara (Zumardi txiki). TSST autobusak Amaroztik sartuko dira Tolosara eta geltoki hauek izango dituzte: Zezen plaza, Nafarroa etorbidea, Jon Andoni Irazusta (biala) eta Larramendi.

Tolosaldeko autobusek ere geltokiak aldatuko dituzte: Rondilla 34tik Santa Klara (Zumardi txiki) eta San Frantzisko elizatik Foru etorbidera.

Barkatu eragozpenak.