Urriaren 1ean erabat itxiko da Iurramendi kaleko aldapako errepidea

• 08:00etatik aurrera itxiko da, gutxi gora behera 18:00ak arte.

• Inguru horretan eraikitzen ari diren etxebizitzen garabia kentzeko lanak egiteko itxiko da errepidea, halabeharrez.

Datorren asteazkenean, urriak 1, erabat itxiko da Iurramendi kaleko aldapa, bertan eraikitzen ari diren etxebizitzen obretan erabiltzen ari diren garabia kentzeko lanak egin ahal izateko.

Zehazki Paper kaleko biribilgunetik Iurramendi auzora daraman aldapako errepidea itxiko da. Aldaparen azpialdeko eta goikaldeko biribilguneetan egingo dira mozketak: hau da, Paper Kalean, eta Laskorain Ikastolaren albokoan. 08:00etan egingo da itxiera, gutxi gora behera, 18:00ak arte, nahiz eta bukatu bezain pronto zabalduko den berriro ere. Ordu tarte horretan, ibilgailuentzako trafikoa ixteaz gain, ezingo da bertan aparkatu.