Aldaketak hainbat udal zerbitzuen ordutegietan, inauteriak direla eta

• Datorren otsailaren 8tik 14ra bitartean aldaketak egongo dira ondorengo udal zerbitzuetan: Usabal kiroldegia, Abegi, UDATE, Gizarte Zerbitzuak eta Hondakin Bulegoa. 
• Horrez gain, inauterien harira, datorren asteazkenean, otsailak 7, Mugi Tolosa ekimenak ongietorria emango die festei txarangaz girotutako ibilaldiarekin.  

7 egun barru Tolosa eta tolosarrak inauterien ospakizunean murgilduko dira bete-betean. Horri lotuta, jaiak irauten duten bitartean ordutegi aldaketak egongo dira hainbat udal zerbitzutan. 

Hauek dira ordutegien aldaketa nagusiak: 

UDATE

• Otsailak 8, ostegun gizena: 7:15-11:15
• Otsailak 9, ostiral mehea: 8:00-12:00
• Otsailaren 12tik 14ra itxita (biak barne)

Gizarte Zerbitzuak

• Otsailak 8, ostegun gizena: itxita
• Otsailak 9, ostiral mehea: 10:00-13:00
• Otsailaren 12tik 14ra itxita (biak barne)

Hondakin bulegoa

• Otsailak 8 eta 9: 8:30-14:00
• Otsailaren 12tik 14ra: itxita (biak barne)

Abegi

• Otsailaren 8tik 14ra itxita (biak barne)

Usabal kiroldegia

• Otsailaren 8tik 14ra itxita (biak barne). Mantentze lanak eta igerilekuko dutxa eremua biargaituko dira denbora horretan. 

Berazubi

• Otsailak 8, 10, 12 eta 13: 9:00-14:00
• Otsailak 9, ostiral mehea: 9:00-14:00
• Otsailak 11, igandea: itxita
• Otsailak 14, asteazkena: 9:00-21:00

Musika Eskola

• Otsailaren 8tik 14ra itxita (biak barne).

Kultur Etxea

• Otsailak 8, ostegun gizena: 10:00-11:30
• Otsailak 9, ostiral mehea: 10:00-13:00
• Otsailaren 12tik 14ra itxita (biak barne)

Euskaltegia

• Otsailak 8, ostegun gizena: 9:00-12:00
• Otsailaren 9tik 14ra itxita (biak barne)

Liburutegia

Haur liburutegia:

• Otsailaren 8tik 14ra itxita (biak barne)

Helduen liburutegia: 

• Otsailak 8, ostegun gizena: 10:00-12:00
• Otsailak 9, ostiral mehea: 10:00-13:30
• Otsailaren 12tik 14ra itxita (biak barne)

Udaletxea ere itxita egongo da otsailaren 12tik 14ra bitartean (biak barne). Udaltzaingoak 24 orduko arreta zerbitzua emango du, eta larrialdiren baten kasuan, 943 675 858 telefonora deitu ahal izango da.

Mugi Tolosa ere inauteriak ospatuz

Era berean, datorren asteazkenean, otsailak 7, Mugi Tolosa egitasmoak ongietorria emango die inauteriei, ekintza berezi batekin. 

Ohiko moduan, Zerkausian batuko dira partaide guztiak baina oraingoan, goizeko 11:00etan txarangaz lagunduta egingo dute ibilaldia Tolosako kaleetatik barrena, inauteri giroan murgiltzeko. Amaieran, Zerkausira bueltatuko dira eta txistorra pintxoak banatuko zaizkie, ekintza berezi honi bukaera emateko. 

Trianguloko bizikleta aparkalekua kendu egingo da

Inauterietarako Trianguloan dagoen bizikleten aparkalekua kendu egingo da. Hori dela eta, beranduenez igande iluntzerako, otsailak 4, bizikletak bertatik kentzea eskatzen zaie herritarrei. Kentzen ez diren bizikletak brigadak jasoko ditu astelehenean. Eskerrik asko eta barkatu eragozpenak.